२ बालिकालाई बलात्कार गरेको आरोपमा २ युवक पक्राउ

News Summary

Generated by OK AI. Editorially reviewed.

संखुवासभाको प्रहरीले दुई युवकलाई १२ जेठमा पक्राउ गरी बलात्कारको आरोपमा अनुसन्धान थालेको जनाएको छ।
उनीहरूले ७ जेठमा खाँदबारी बजारमा १६ र १७ वर्षीया बालिकालाई फकाई बलात्कार गरेको आरोप छ।
प्रहरीले जाहेरीपछि पक्राउ परेका दुई युवकलाई हिरासतमा राखेर थप अनुसन्धान गरिरहेको छ।

१२ जेठ, काठमाडौं । दुई बालिकालाई बलात्कार गरेको आरोपमा संखुवासभा प्रहरीले दुई युवकलाई पक्राउ गरेको छ ।

पक्राउ पर्नेहरुमा संखुवासभाको चिचिला गाउँपालिका-२ घर भएका ३५ वर्षीय तुफान राई र सोही गाउँपालिका ३ का २८ वर्षीय प्रकाश राई छन् ।

उनीहरुले ७ जेठमा खाँदबारी बजार घुम्न आएका १६ र १७ वर्षीया बालिकालाई ललाई फकाई बलात्कार गरेको पाइएको संखुवासभा प्रहरीका इन्स्पेक्टर तथा सूचना अधिकारी अभिषेक कुमार श्रेष्ठले बताए ।

खाजा खाने, घुम्न जाने भन्दै मोटरसाइकलमा राखेर खाँदबारीको एक होटलमा लगेर उनीहरुले बलात्कार गरेको आरोप छ । पीडित बालिकाको तर्फबाट जाहेरी पछि प्रहरीले आइतबार पक्राउ गरेर उनीहरुमाथि अनुसन्धान अघि बढाएको छ ।