कर्फ्यु आदेशपछि आज सेयर बजार बन्द

News Summary

Generated by OK AI. Editorially reviewed.

नेपाल स्टक एक्स्चेन्जले जटिल परिस्थितिका कारण २४ भदौका लागि सेयर बजार बन्द गरिएको सार्वजनिक सूचना जारी गरेको छ।
धितोपत्र सूचीकरण तथा कारोबार नियमावली २०७५ को नियम २१ अनुसार प्राकृतिक प्रकोप वा राष्ट्रिय संकटमा कारोबार स्थगन गर्न सकिने व्यवस्था छ।
काठमाडौं जिल्ला प्रशासन कार्यालयले चक्रपथ भित्र कर्फ्यु आदेश जारी गरेको छ, जसले बजार कारोबारमा असर पुगेको छ।

२४ भदौ, काठमाडौं । मंगलबार सेयर बजार बन्द हुने भएको छ । नेपाल स्टक एक्स्चेन्जले एक सार्वजनिक सूचना जारी गर्दै जटिल परिस्थितिका कारण बजार बन्द गरिएको जनाएको छ ।

धितोपत्र सूचीकरण तथा कारोबार नियमावली २०७५ को नियम २१ अनुसार आजका लागि कारोबार स्थगन गरिएको नेप्सेले जनाएको छ ।

‘प्राकृतिक प्रकोप, राष्ट्रिय संकट वा काबुबाहिरको परिस्थिति आइपरेमा धितोपत्र बजारले बोर्डलाई जानकारी दिई कारोबार प्रणालीको सञ्चालन निश्चित समयका लागि स्थगन गर्न सक्नेछ’ सो नियमावलीमा उल्लेख छ ।

जिल्ला प्रशासन कार्यालय काठमाडौंले मंगलबार बिहान ८ बजेदेखि लागू हुने गरी काठमाडौं जिल्लाको चक्रपथ भित्र कर्फ्यु आदेश जारी गरेको छ ।

अघिल्लो दिन जेनजी प्रदर्शनकारीमाथि सरकारले गरेको दमनका कारण १९ युवाको मृत्युपछि आज चक्रपथभित्र कर्फ्यु आदेश जारी भएको छ । यस्तो अवस्थामा सहज मानसिकताले कारोबार हुन नसक्ने भन्दै लगानीकर्ताले बजार बन्द गर्न माग गरेका थिए ।