सेजलले ‘मिस इको इन्टरनेसनल २०२६’ मा नेपालको प्रतिनिधित्व गर्ने

News Summary

Generated by OK AI. Editorially reviewed.

सेजल राजभण्डारीलाई ग्रीन आर्ट मिडियाले ‘मिस इको इन्टरनेसनल नेपाल २०२६’ को उपाधि प्रदान गर्दै अन्तर्राष्ट्रिय सौन्दर्य प्रतियोगितामा प्रतिनिधि चयन गरेको छ।
राजभण्डारीले अप्रिलमा इजिप्टमा आयोजना हुने प्रतियोगितामा नेपालको मौलिक संस्कृति र पर्यटकीय स्थलहरूको प्रचारप्रसार गर्ने प्रतिबद्धता जनाएकी छन्।
प्रतियोगितामा ७५ भन्दा बढी देशका सहभागी हुनेछन् र राजभण्डारीलाई प्रतिष्ठित व्यक्तिहरूले प्रशिक्षण दिने व्यवस्था गरिएको छ।

काठमाडौँ । इजिप्टमा आयोजना हुने अन्तर्राष्ट्रिय सौन्दर्य प्रतियोगिता ‘मिस इको इन्टरनेसनल २०२६’ मा नेपालको प्रतिनिधित्व सेजल राजभण्डारीले गर्ने भएकी छन् ।

ग्रीन आर्ट मिडियाले उनलाई ‘मिस इको इन्टरनेसनल नेपाल २०२६’ को उपाधि प्रदान गर्दै प्रतिनिधिको रुपमा चयन गरेको हो ।

आयोजित कार्यक्रममा राजभण्डारीलाई गतवर्षकी विजेता संस्कृति भट्टले ताज पहिर्‍याइदिइन् । ताज ग्रहण गरेपछि उनले यसलाई आफ्नो जीवनको एक महत्वपूर्ण अवसर भएको बताइन् ।

राजभण्डारीले अन्तर्राष्ट्रिय मञ्चमा नेपालको मौलिक संस्कृति र पर्यटकीय स्थलहरूको प्रचारप्रसार गर्ने प्रतिबद्धता जनाइन् । अप्रिलमा आयोजना हुने प्रतियोगितामा ७५ भन्दा बढी देशका ‘इको सुन्दरी’ को सहभागिता हुनेछ ।

तयारीस्वरुप राजभण्डारीलाई ग्रीन आर्ट मिडियाकी प्रबन्ध निर्देशक तथा अन्तर्राष्ट्रिय कोरियोग्राफर अनिला श्रेष्ठलगायत नेपालका प्रतिष्ठित व्यक्तिले प्रशिक्षण दिनेछन् ।

वातावरण र पर्यटन प्रवद्र्धन गर्ने मुख्य उद्देश्यका साथ ‘ब्युटी फर इको’ नारासहित एलटीसीपी अर्गनाइजेसनले सन् २०१५ बाट इजिप्टमा यो प्रतियोगिता सुरु गरेको हो ।