News Summary
Generated by OK AI. Editorially reviewed.- श्रमसंस्कृति पार्टीका अध्यक्ष एवं सांसद हर्क साम्पाङले वृद्ध भत्ता, विद्यार्थी संगठन, ब्रिजकोर्स सम्बन्धमा गरिएको निर्णय पुनर्विचार गर्न आग्रह गरेका छन्।
- प्रतिनिधिसभाको बैठकमा उनले सरकारले हतारहतार ल्याएका कार्यक्रमहरू लागु नगर्न र सबै पक्षको सल्लाह लिएर अघि बढ्न सुझाव दिए।
- उनले वृद्ध भत्ताको समय मापदण्ड फेरबदल गर्ने विषयमा सरकारले ध्यान दिएर अगाडि बढ्दा राम्रो हुने बताए।
९ चैत, काठमाडौं । श्रमसंस्कृति पार्टीका अध्यक्ष एवं सांसद हर्क साम्पाङले वृद्ध भत्ता, विद्यार्थी संगठन, ब्रिजकोर्स जस्ता सम्बन्धमा गरिएको निर्णय पुनर्विचार गर्न आग्रह गरेका छन् ।
प्रतिनिधिसभाको बिहीबारको बैठकलाई सम्बोधन गर्दै उनले सरकारसँग यस्तो माग गरेका हुन् ।
राम्रोसँग अध्ययन नगरी हतारहतार सरकारले ल्याएका कार्यक्रमहरू लागु गर्न नहुने उनले बताए ।
कुनै पनि निर्णय गर्नुअघि प्रतिपक्ष लगायत सबै पक्षको उचित सल्लाह लिएर सरकार अघि बढे निर्णय गर्दै पछि हट्नुपर्ने नियतिबाट सरकार बच्न सक्ने उनले बताए ।
उनले भने, ‘वृद्ध भत्ता, विद्यार्थी संगठन, ब्रिजकोर्स जस्ता सम्बन्धमा गरिएको निर्णय पुनर्विचार गरियोस् । वृद्ध भत्ता समयको मापदण्ड फेरबदल गर्ने कुरा आएको छ । कार्यसूचीमा त्यस्ता कुरामा सरकारले ध्यान दिएर अगाडि बढ्दा राम्रो हुन्छ ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy%20-%20Copy.jpg "House for Sale in Imadol")
प्रतिक्रिया 4