बेग्लै हास्य शो ‘कमेडी बाज’ ल्याउँदै सुन्दर खनाल, यस्तो छ टिजर

News Summary

Generated by OK AI. Editorially reviewed.

कमेडियन सुन्दर खनालले टिभी शो ‘कमेडी दरबार’को तेस्रो सिजनबाट बाहिरिएर नयाँ शो ‘कमेडी बाज’ लिएर आउनुभएको छ।
‘कमेडी बाज’ रोस्टिङ शो हुनेछ र यसको मूल अवधारणा ‘ब्याटल’ फम्र्याटमा आधारित छ, जुन इमेज टिभी र युट्युबबाट प्रसारण हुनेछ।
शो वैशाख दोस्रो सातादेखि प्रसारण हुनेछ र सुन्दर खनाल, आरती थापा, पवन खतिवडा लगायतका कलाकारहरू सहभागी हुनेछन्।

काठमाडौँ । टिभी शो ‘कमेडी दरबार’को तेस्रो सिजनबाट बाहिरिएका कमेडियन सुन्दर खनालले अलग्गै कमेडी शो लिएर दर्शकमाझ आउने भएका छन् । उनले शुक्रबार यसको टिजर सार्वजनिक गरेका छन् ।

शोको नाम ‘कमेडी बाज’ राखिएको छ । सार्वजनिक टिजरमा एक्सनलाई विशेष प्राथमिकता दिइएको देखिन्छ । तर शोको संरचनाबारे भने जानकारी गराइएको छैन ।

बुझिए अनुसार ‘कमेडी बाज’ रोस्टिङ शो हुनेछ । बिभिन्न क्षेत्रका पाहुनालाई निमन्त्रणा गरिन्छ र कमेडी प्रस्तुत गरिन्छ । शोबारे खनाल भन्छन्, शोको मूल अवधारणा ‘ब्याटल’ फम्र्याटमा आधारित छ । अहिलेका लागि यत्ति भनौं बाँकी पुरा एपिसोडमा हामीले अवश्य देखाउनेनै छौं ।’

खनालका अनुसार, यो शो इमेज टिभी र सुन्दर खनालको युट्युब च्यानलबाट प्रसारण हुनेछ । टिजरमा शोका होस्टहरू सुन्दर र आरती थापालाई औपचारिक रूपमा सार्वजनिक गरिएको छ ।

अन्य कमेडियनहरु पवन खतिवडा (म्याकुरी), विश्वास तिमल्सिना (बिटी कान्छा), सरोज भण्डारी, सीता न्यौपाने, सुशान्त बस्याल, आशिष न्यौपाने, निश्चल अर्याल लगायतका कलाकार पनि हुनेछन् ।

शोको प्रसारण वैशाख दोस्रो सातादेखि हुने जनाइएको छ । ‘कमेडी बाज’ मा देखिएका अधिकांश कमेडियन ‘कमेडी दरबार’ मा आबद्ध छन् । यसबारे भने उनीहरुले दुबै शोमा देखिने बताएका छन् ।