गगनले तीन अर्ब राखेको आरोप लगाउने कान्छाराम पार्टीबाट निलम्बन

News Summary

Generated by OK AI. Editorially reviewed.

नेपाली कांग्रेसले पार्टीका नेता पूर्णबहादुर तामाङ ‘कान्छाराम’ लाई रामेछाप जिल्ला सभापतिबाट निलम्बन गरेको छ।
पार्टीको अनुशासन समितिको बुधबारको बैठकले उनलाई जिल्ला सभापतिको पदमा बसेर कामकाज गर्न नपाउने गरी निलम्बन गर्ने निर्णय गरेको छ।
कृष्णप्रसाद दुलालले यो निर्णय कार्यवाहक मुख्यसचिवको रूपमा जानकारी दिनुभएको छ।

१६ वैशाख, काठमाडौं । प्रमुख प्रतिपक्षी दल नेपाली कांग्रेसले पार्टीका नेता पूर्णबहादुर तामाङ ‘कान्छाराम’ लाई जिल्ला सभापतिबाट निलम्बन गरेको छ ।

पार्टीका कार्यवाहक मुख्यसचिव कृष्णप्रसाद दुलालका अनुसार, बुधबार बसेको पार्टीको अनुशासन समितिको बैठकले उनलाई जिल्ला सभापतिको पदमा बसेर कामकाज गर्न नपाउनेगरी निलम्बन गर्ने निर्णय गरेको हो ।

उनी पार्टीको रामेछाप जिल्ला सभापति थिए ।

जिल्ला सभापतिजस्तो जिम्मेवार तहमा रहेको व्यक्तिले पार्टीको पदीय मर्यादा ख्याल नगरी पार्टी र पार्टी नेतृत्वविरुद्ध बदनियत राखेर भ्रमणपूर्ण र तथ्यहीन अभिव्यक्ति दिएको भन्दै केन्द्रीय अनुशासन समितिले तीन दिने स्पष्टीकरण सोधेको थियो ।

केही दिनअघि कान्छारामले दिएको ‘पार्टी सभापति गगनकुमार थापासँग तीन अर्ब रूपैयाँ छ’ भनेर दिएको विवादित अभिव्यक्तिको भिडियो भाइरल भएको थियो । उनले २१ फागुनको चुनावमा एक अर्ब खर्च गर्दा पनि थापाले चुनाव जित्न नसकेको दाबी गरेको भिडियोमा सुनिन्थ्यो ।

यही प्रकरणमा कांग्रेस अनुशासन समितिका संयोजक तारामान गुरुङको अध्यक्षतामा ७ वैशाखमा बसेको बैठकले उनलाई तीन दिने स्पष्टीकरण सोध्ने निर्णय गरेको थियो ।