पाँचथर पुगेर कांग्रेस नेता आङ्देम्बेले गरे सदस्यता अद्यावधिक

News Summary

Generated by OK AI. Editorially reviewed.

नेपाली कांग्रेस संसदीय दलका नेता भीष्मराज आङ्देम्बेले पाँचथरको फाल्गुनन्द गाउँपालिका–१ नवमीडाँडामा आफ्नो क्रियाशील सदस्यता अद्यावधिक गराएका छन्।
कांग्रेसले क्रियाशील सदस्यता अद्यावधिकका लागि ‘जरामा जाऊँ अभियान’ सञ्चालन गरेको छ र ७७ वटै जिल्लामा केन्द्रीय प्रतिनिधि खटाएको छ।
निवर्तमान सभापति शेरबहादुर देउवा र नेता डा. शेखर कोइराला समूहले सदस्यता अद्यावधिक नगर्ने अडान लिएपछि अभियानले सफलता लिन नसकेको केन्द्रीय प्रतिनिधिहरू बताउँछन्।

२१ वैशाख, काठमाडौं । नेपाली कांग्रेस संसदीय दलका नेता भीष्मराज आङ्देम्बेले पार्टीको क्रियाशील सदस्यता अद्यावधिक गरेका छन् ।

कांग्रेसमा क्रियाशील सदस्यता अद्यावधिकको विषयमा विवाद चर्किरहेका बेला उनले गृहजिल्ला पाँचथर पुगेर सदस्यता अद्यावधिक गरेका हुन् ।

संसदीय दलका नेता आङ्देम्बेले पाँचथरको फाल्गुनन्द गाउँपालिका–१ नवमीडाँडा पुगेर आफ्नो क्रियाशिल सदस्यता अद्यावधिक गराएको कांग्रेसले जनाएको छ ।

कांग्रेसले क्रियाशील सदस्यता अद्यावधिकका लागि ‘जरामा जाऊँ अभियान’ अन्तर्गत ७७ वटै जिल्लाहरूमा केन्द्रीय प्रतिनिधिहरू खटाएको छ ।

तर, निवर्तमान सभापति शेरबहादुर देउवा र नेता डा. शेखर कोइराला समूहले अद्यावधिक नगर्ने अडान लिएपछि अभियानले सफलता लिन नसकेको केन्द्रीय प्रतिनिधिहरू बताउँछन् ।