शोभा पाठकलाई आक्रमण गर्ने १० जनाविरुद्ध ज्यान मार्ने उद्योगमा मुद्दा चलाउनु पर्ने प्रहरी प्रतिवेदन

News Summary

Generated by OK AI. Editorially reviewed.

काठमाडौं प्रहरीले शोभा पाठकलाई आक्रमण गर्ने १० जनाविरुद्ध ज्यान मार्ने उद्योगको कसुरमा मुद्दा चलाउन सरकारी वकिल कार्यालयमा प्रतिवेदन बुझाएको छ।
पाठक माइतीघरमा सुधन गुरुङलाई पुनः गृहमन्त्री बनाउनुपर्ने माग गर्दै धर्ना बसेकी थिइन् र त्यही ठाउँमा नेकपा एमालेका सचिव महेश बस्नेती पत्नी अम्बिका बस्नेतसहितको समूहले आक्रमण गरेको थियो।
प्रहरीले १० जनालाई नियन्त्रणमा लिएर अनुसन्धान गरेको र सरकारी वकिल कार्यालयले प्रतिवेदन अध्ययन गरी अदालतमा मुद्दा दर्ता गर्ने प्रक्रिया अघि बढाउने जनाएको छ।

२२ वैशाख, काठमाडौं । शोभा पाठकलाई आक्रमण गर्ने १० जनाविरुद्ध मुद्दा चलाउनुपर्ने भन्दै प्रहरीले प्रतिवेदन बुझाएको छ ।

जिल्ला प्रहरी परिसर काठमाडौंका एसपी पवनकुमार भट्टराईका अनुसार आज मंगलबार अनुसन्धान सकेर प्रतिवेदन सरकारी वकिल कार्यालयमा बुझाइएको हो । उनका अनुसार १० जनालाई ज्यान मार्ने उद्योगको कसुरमा मुद्दा चलाउन सिफारिस गरिएको छ ।

सुधन गुरुङलाई पुनः गृहमन्त्री बनाउनुपर्ने माग गर्दै पाठक माइतीघरमा धर्ना बसेकी थिइन् । सोही ठाउँमा गएर नेकपा एमालेका सचिव महेश बस्नेती पत्नी अम्बिका बस्नेतसहितको समूहले आक्रमण गरेको थियो ।

अम्बिकासहित १० जनालाई नियन्त्रणमा लिएर अनुसन्धान गरेको प्रहरीले अहिले भने ज्यान मार्ने उद्योगको कसुरमा मुद्दा चलाउनुपर्ने भन्दै प्रतिवेदन बुझाएको हो । सरकारी वकिल कार्यालय प्रतिवेदन अध्ययन गरेपछि अदालतमा मुद्दा दर्ता गर्नेछ ।