News Summary
Generated by OK AI. Editorially reviewed.- यातायात व्यवस्था विभागको प्रणालीमा निरन्तर अवरोध आएपछि सेवाग्राहीलाई सास्ती बढेको छ।
- विभागले सवारी साधन सम्बन्धी नयाँ प्रणालीको तयारी र डेटा माइग्रेसनको काम भइरहेको जनाएको छ।
- आर्थिक वर्षको अन्त्यमा कार्यालयहरूमा सेवाग्राहीको चाप बढेकाले प्रणालीमा आंशिक अवरोध आएको विभागको स्पष्टीकरण छ।
२९ असार, काठमाडौं । यातायात व्यवस्था विभागको प्रणालीमा निरन्तर अवरोध आउँदा सेवाग्राहीलाई सास्ती बढेको छ ।
यातायात व्यवस्था विभागले सूचना जारी गर्दै सेवाग्राहीसँग क्षमा मागेको छ । विभागका अनुसार अहिले सवारी चालक अनुमति पत्र सम्बन्धी प्रणाली (ईडीएल), सवारी साधन दर्ता सम्बन्धी प्रणाली (भीआरएस तथा ईभीआरएस) सञ्चालनमा छन् । यस क्रममा नेपाल सरकारले सवारी तथा यातायात सम्बन्धी नयाँ प्रणाली तयार पार्ने काम जारी रहेको समेत विभागले जनाएको छ ।
नयाँ प्रणाली लागु गर्ने सन्दर्भमा प्रणाली सुधार र डेटा माइग्रेसनको काम भइरहेको विभागको भनाइ छ । प्रदेश सरकारमार्फत देशभरि सवारी साधन तथा यातायात कार्यालयको विस्तार हुने क्रम समेत रहेको सूचनामा उल्लेख छ ।
अहिलेका प्रणालीको सीमित क्षमता रहेको र कार्यालयको सेवा विस्तार हुने क्रम जारी रहँदा आर्थिक वर्षको अन्त्यमा यातायात सम्बद्ध सेवा प्राप्तिका लागि सवारी तथा यातायात कार्यालयमा सेवाग्राहीको अधिक चाप हुने गरेको समेत कार्यालयले जनाएको छ । विभागले सेवाग्राहीको चापले गर्दा अहिले सञ्चालनमा रहेका प्रणालीमा आंशिक अवरोध भएको स्पष्टीकरण दिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Imadol")
%20-%20Copy.jpg "House for Sale at Cozy Homes, Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4