यस्तो छ सांसदका स्वकीय सचिव नियुक्तिको फारम

News Summary

Generated by OK AI. Editorially reviewed.

संघीय संसद्का सांसदहरूले अब स्वकीय सचिव नियुक्त गरी सचिवालयबाट तोकिएको सुविधा प्राप्त गर्ने भएका छन् ।
सांसदहरूले स्वकीय सचिव नियुक्त गर्न महासचिवलाई सम्बोधन गरी निर्धारित ढाँचामा फारम भरेर बुझाउनुपर्ने व्यवस्था गरिएको छ ।
नियुक्त हुने स्वकीय सचिवको व्यक्तिगत विवरण, शैक्षिक योग्यता, बैंक खाता र नागरिकतासहितको विस्तृत विवरण फारममा उल्लेख गर्नुपर्नेछ ।

३२ असार, काठमाडौं । सांसदहरूले स्वकीय सचिवको सुविधा पाउने भएका छन् । यसका लागि सांसदहरूले स्वकीय सचिव नियुक्त गरेर त्यससम्बन्धी फारम भरेर संसद् सचिवालयमा बुझाउनुपर्छ ।

संसद् सचिवालयले ‘स्वकीय कर्मचारी र परिचारक नियुक्तिका लागि भर्नुपर्ने फारम विवरण’ वेबसाइटमै राखेको छ ।

जसअनुसार सांसदहरूले संसद् सचिवालयका महासचिवलाई सम्बोधन गरेर फारम भर्नुपर्छ ।

जसमा संघीय संसदका पदाधिकारी तथा सदस्यहरुको पारिश्रमिक र सुविधा सम्बन्धी ऐन, २०७३ बमोजिम आफ्नो स्वकीय कर्मचारी परिचारक नियुक्त गरेको भनेर स्वकीय सचिवको नाम लेख्नुपर्छ । साथै, त्यसरी नियुक्त गरेको स्वकीय सचिवको परिचयपत्र बनाइदिन र पारिश्रमिकको व्यवस्था गरिदिनहुन अनुरोध गर्नुपर्दछ ।

विवरणमा स्वकीय सचिवको नाम र थर, जन्ममिति भर्नुपर्छ । फोटो साथमा राख्नुपर्छ । लैंगिकता खुलाउनुपर्छ । नागरिकता नम्बर, नागरिकता जारी भएको जिल्ला, प्रदेश, स्थानीय तह र वडा खुलाउनुपर्छ ।

यो पनि पढ्नुहोस