News Summary
Generated by OK AI. Editorially reviewed.- काठमाडौं उपत्यका मेयर्स फोरमले प्रधानमन्त्री बालेन शाहलाई भेटेर फोहोर व्यवस्थापन, सडक बत्ती शुल्क र जग्गा भोगाधिकारबारे ध्यानाकर्षण गराउने निर्णय गरेको छ।
- फोरमले ५ भदौको बैठकमा सांसद आशिका तामाङले देखाएको व्यवहारबारे पनि प्रधानमन्त्रीसँग गुनासो गर्ने जनाएको छ।
- फोरमले उपत्यकाको फोहोर व्यवस्थापन तीन वटै तहका सरकारको साझा सरोकारको विषय भएको निष्कर्ष निकालेको छ।
९ भदौ, काठमाडौं । काठमाडौं उपत्यका मेयर्स फोरमले प्रधानमन्त्री बालेन शाहलाई भेटेर फोहोर व्यवस्थापनका विषयमा अवगत गराउने भएको छ ।
मंगलबार बसेको उपत्यका मेयर्स फोरमको बैठकले प्रधानमन्त्री शाहसँग जतिसक्दो छिटो भेटघाटको समय मिलाई फोहोर व्यवस्थापन, सडक बत्तीको शुल्क व्यवस्थापन, स्थानीय तहले प्रयोग गरिरहेको जग्गाको भोगाधिकार र फोहोर व्यवस्थापनका लागि जग्गा व्यवस्थापन लगायतमा ध्यानाकर्षण गराउने निर्णय भएको फोरमका अध्यक्ष एवं ललितपुर महानगरका प्रमुख चिरिबाबु महर्जनले जानकारी गराए ।
प्रधानमन्त्रीसँग हुने भेटघाटमा ५ भदौमा सिंहदरवारमा भएको फोहोर व्यवस्थापन सम्बन्धी बैठकमा फोरमका पदाधिकारी र सदस्यहरूमाथि सांसद आशिका तामाङले गरेको व्यवहारबारे समेत ध्यानाकर्षण गराउने फोरमले जानकारी गराएको छ ।
प्रधानमन्त्री शाह काठमाडौं महानगरपालिकाका प्रमुख हुँदाको बखतदेखि उपत्यका भित्रको फोहोर व्यवस्थापनका लागि तत्कालीन सरकार र नेप वेस्टबीच भएको सम्झौता कार्यान्वयन गर्न वा सम्झौता खारेज गरेर फोहोर व्यवस्थापनका लागि मार्ग प्रशस्त गर्न समेत फोरमको बैठकमा छलफल भएको थियो ।
उपत्यकाभित्रको फोहर व्यवस्थापन तीन वटै तहका सरकारको साझा सरोकारको विषय भएको फोरमले निष्कर्ष निकालेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4