रसुवाबाट उद्धार गरिएका बाढी पीडितलाई नागार्जुनको गुम्बामा अस्थायी सेल्टर

News Summary

Generated by OK AI. Editorially reviewed.

रसुवाबाट उद्धार गरी ल्याइएका बाढी पीडितलाई अस्थायी बसोबासका लागि नागार्जुन–२ स्थित येलो गुम्बामा राखिएको छ ।
सुरक्षाकर्मीले उद्धार गरी ल्याएका २५० जनालाई राख्ने व्यवस्था मिलाइए पनि अहिले करिब १०० बाढी पीडित गुम्बामा छन् ।
नेपाल रेडक्रस सोसाइटीले ५० थान मण्डी र ५० थान म्याट्रेस उपलब्ध गराएको छ, र नगरपालिकाले स्वास्थ्य टोली खटाएको छ ।

१३ भदौ, काठमाडौं । रसुवाबाट उद्धार गरी ल्याइएकालाई अस्थायी बसोबासका लागि नागार्जुनस्थित येलो गुम्बामा राखिएको छ ।

सुरक्षाकर्मीले उद्धार गरी ल्याएका दुई सय पचासलाई येला गुम्बामा राख्नेगरी व्यवस्था मिलाइएको छ । नागार्जुन–२ स्थित गुम्बामा हाल करिब सय बाढी पीडितलाई राखिएको नागार्जुन नगरपालिकाको कार्यबाहक प्रमुख सुशिला अधिकारीले जानकारी गराइन् ।

गुम्बाको मेडिटेसन हलमा पीडितलाई राखिएको छ । अस्थायी बसोबासको अवस्था बुझ्नका लागि काठमाडौंका प्रमुख जिल्ला अधिकारी, इश्वरराज पौडेल, नेपाल रेडक्रस सोसाइटीका प्रतिनिधि लगायत शुक्रबार गुम्बामा पुगेका थिए ।

‘व्यक्तिगत र संस्थागत सहयोगहरु जुटिरहेको छ । हामीले स्वास्थ्य टोलीको टोली खटाएका छौ,’ नागार्जुन नगरपालिकाको कार्यावाहक प्रमु अधिकारीले भनिन् ।

गुम्बामा अस्थायी बसोबासका लागि ल्याइएका बाढी पीडितको लागी नेपाल रेडक्रस सोसाइटीले ५० थान मण्डी र ५० थान म्याट्रेस उपलब्ध गराएको छ ।