News Summary
Generated by OK AI. Editorially reviewed.- इजरायली सेनाले गाजामा चलाइएको अभियानका क्रममा हमासका कमाण्डरसहित ५ सदस्य मारेको दाबी गरेको छ ।
- इजरायली सेना र शिन बेटले पछिल्लो समय गाजामा ‘आतंकवाद विरोधी कारबाही’ तीव्र पारेका छन् ।
- बीबीसीका अनुसार इजरायली निशानामा हमासका सैन्य कमान्डर अहमद अल–बत्श परेका थिए ।
३० भदौ, काठमाडौं । इजरायली सेनाले गाजा क्षेत्रमा चलाइएको अभियानका क्रममा हमासका पाँच सदस्य मारेको दाबी गरेको छ ।
गाजा क्षेत्रमा हमासविरुद्ध जारी सैन्य अभियानका क्रममा सोमबार कमाण्डरसहित पाँच सदस्य मारेको दाबी सेनाले गरेका हो ।
‘द टाइम्स अफ इजरायल’का अनुसार इजरायली सेना र आन्तरिक सुरक्षा एजेन्सी शिन बेटले पछिल्लो समय गाजामा ‘आतंकवाद विरोधी कारबाही’ तीव्र पारेको छ ।
इजरायली सेनाको निशानामा परेका हमासका सैन्य कमान्डर अहमद अल–बत्श रहेको बीबीसीमा प्रकाशित समचारमा उल्लेख छ ।
‘उनलाई अबु ओसामाका नामबाट पनि चिनिन्थ्यो,’ समाचारमा भनिएको छ, ‘हमाससँग सम्बन्धित समाचार स्रोतले पनि उनको मृत्युको पुष्टि गरेको छ ।’
इरानको फार्स न्युज एजेन्सीले सोमवार राति ‘गाजा अल–आन’ को हवाला दिँदै अहमद अल–बत्श हमासको सशस्त्र युनिट ‘इज्ज अल–दीन अल–कस्साम’ ब्रिगेडका कमान्डर रहेका बताएको छ ।
न्युज एजेन्सीले पनि एक इजरायली हवाई हमलामा उनको मृत्यु भएको उल्लेख छ । अल जजिराले पनि अहमद अल–बत्शको हत्या गाजा सिटीको उत्तरमा पर्ने अल–सफ्तावी स्ट्रीटमा एक कारलाई निशाना बनाएर गरिएको जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4