News Summary
Generated by OK AI. Editorially reviewed.- नेपाल र माइक्रोनेसियाबीच सोमबार औपचारिक कूटनीतिक सम्बन्ध स्थापना भएको छ, र नेपालको कूटनीतिक सम्बन्ध कायम भएका मुलुकको संख्या १८५ पुगेको छ।
- संयुक्त राष्ट्रसंघका लागि नेपालका स्थायी प्रतिनिधि लोकबहादुर थापा र माइक्रोनेसियाका राजदूत जिम एस लिपवेले सम्बन्ध स्थापनासम्बन्धी संयुक्त वक्तव्यमा हस्ताक्षर गरेका छन्।
- दुवै राजदूतले द्विपक्षीय तथा बहुपक्षीय सहकार्य सुदृढ गर्ने र संयुक्त राष्ट्रसंघलगायत मञ्चमा सहकार्य बढाउने प्रतिबद्धता व्यक्त गरेका छन्।
२९ भदौ, काठमाडौं । नेपाल र माइक्रोनेसियाबीच सोमबार औपचारिक रूपमा कूटनीतिक सम्बन्ध स्थापना भएको छ।
माइक्रोनेसियासँग कूटनीतिक सम्बन्ध स्थापना भएसँगै नेपालले कूटनीतिक सम्बन्ध कायम गरेका मुलुकको संख्या १८५ पुगेको छ।
संयुक्त राष्ट्रसंघका लागि नेपालका स्थायी प्रतिनिधि राजदूत लोकबहादुर थापा र संयुक्त राष्ट्रसंघका लागि माइक्रोनेसियाका स्थायी प्रतिनिधि राजदूत जिम एस लिपवेले कूटनीतिक सम्बन्ध स्थापना गर्ने सम्बन्धी संयुक्त वक्तव्यमा हस्ताक्षर भएको हो ।
द्विपक्षीय भेटवार्तामा दुवै राजदूतहरूले आपसी हितका विषयमा छलफल गर्दै द्विपक्षीय तथा बहुपक्षीय सहकार्यलाई थप सुदृढ गर्ने प्रतिबद्धता व्यक्त गरेका छन् ।
साथै, संयुक्त राष्ट्रसंघलगायतका बहुपक्षीय मञ्चमा सहकार्य अभिवृद्धि गर्ने विषयमा समेत उनीहरूले जोड दिएका छन् ।
माइक्रोनेसिया पश्चिमी प्रशान्त महासागरमा अवस्थित ६०० भन्दा बढी साना टापुहरू मिलेर बनेको देश हो
यो फिलिपिन्सको पूर्व र पपुवा न्युगिनीको उत्तरतर्फ अवस्थित छ। यो देश मुख्यतया चारवटा राज्यहरू—याप, चुउक पोहनपेई र कोसरा मिलेर बनेको छ। यसको राजधानी पोहनपेई टापुमा रहेको पालिकिर हो ।
माइक्रोनेसियाको कुल जमिनको क्षेत्रफल मात्र ७०२ वर्ग किलोमिटर छ। क्षेत्रफलका आधारमा यो विश्वकै साना देशहरूमध्ये एक हो । नेपालको क्षेत्रफलसँग तुलना गर्दा यो नेपालभन्दा करिब २१० गुणा सानो छ । यहाँको कुल जनसङ्ख्या करिब १ लाख १४ हजार मात्र रहेको छ।
यो देशको रक्षा र सुरक्षाको जिम्मेवारी अमेरिकाले सम्हाल्दै आएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4