१४ असोज, काठमाडौं । यूएईको दुबईबाट इजरायलको तेल अभिभतर्फ उडेको फ्लाई दुबईको विमानमा दुई पाइलटबीच ‘हिंसात्मक घटना’ भएपछि विमान साउदी अरेबियातर्फ डाइभर्ट गरिएको स्रोतलाई उद्धृत गर्दै सीएनएनले जनाएको छ ।
विमान ३४ हजार फिटको उचाइमा उडिरहेका बेला करिब दुई मिनेटमै १६ हजार ६ सय फिट आसपासमा झरेको थियो । उडान ट्र्याकिङ तथ्यांकअनुसार यो घटना स्थानीय समयअनुसार राति करिब १ बजेर २० मिनेटमा भएको थियो ।
त्यसको करिब १२ मिनेटपछि विमानबाट आपत्कालीन संकेत पठाइएको थियो । घटनापछि विमानलाई साउदी अरेबियातर्फ मोडिएको हो ।
इजरायली अधिकारीले यो घटना विमान अपहरण नभएको बताएका छन् । उनीहरूका अनुसार विमानभित्रकै कर्मचारीबीच भएको घटनाका रूपमा यसलाई बुझिएको छ ।
आपत्कालीन संकेत प्राप्त भएपछि इजरायलका प्रधानमन्त्री र रक्षामन्त्रीले सुरक्षा परामर्श गरेका थिए । इजरायली रक्षा बल (आईडीएफ) का प्रवक्ताका अनुसार घटनापछि इजरायली लडाकु विमानसमेत परिचालन गरिएको थियो ।
फ्लाईदुबईको विमान केही समयमै साउदी अरेबियामा अवतरण गर्ने अपेक्षा गरिएको छ । घटनाबारे फ्लाईदुबईको प्रतिक्रिया लिन सीएनएनले सम्पर्क गरेको जनाएको छ ।
-सीएनएनबाट
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4