१४ असोज, काठमाडौं । कांग्रेस नेता डा. प्रकाशशरण महतले पार्टीभित्रको विवादमा आफूहरू सत्यको पक्षमा उभिएको भन्दै अदालतबाट न्याय पाउने विश्वास व्यक्त गरेका छन् । उनी पूर्वसभापति शेरबहादुर देउवा समूहमा संलग्न छन् ।
पोखरामा आयोजित कार्यक्रममा बोल्दै महतले कांग्रेसको विशेष महाधिवेशन र त्यसबाट आएको नेतृत्वसम्बन्धी विवादमा आफूहरूले न्यायिक पुनरवलोकनको बाटो रोजेको बताए । यसअघिको अदालतको फैसला त्रुटिपूर्ण रहेको र सर्वोच्च अदालतले पुनरावलोकनका लागि अनुमति दिएकाले आफूहरूको दाबी थप बलियो भएको उनको जिकिर छ ।
‘हामी एउटा सत्यको पक्षमा उभिएका छौं । सत्यको अवश्य पनि जित हुन्छ,’ नेता महतले भने, ‘अदालतले त्रुटिपूर्ण छ भनिसकेको छ । नेपालमा अझै पनि न्याय मरेको छैन भन्ने हाम्रो विश्वास छ । न्याय पाउँछौँ ।’
महतले कांग्रेसको १५औं महाधिवेशन निष्पक्ष, पारदर्शी र सबै पक्षको सम्मानजनक सहभागितामा हुनुपर्ने धारणा राखे । यही विषयमा सहमति हुन नसकेपछि आफूहरू अदालत पुगेको उनको भनाइ छ ।
महतले पूर्वसभापति देउवा असोज १८ गतेदेखि हुने महाधिवेशन उद्घाटनमा सहभागी हुने भन्दै प्रचार भइरहेको बताउँदै त्यसको सम्भावना नरहेको दाबी गरे ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4