२०८३ असोज १५ गते १३:३८ 
१५ असोज, काठमाडौं । कालिकोटको रेंगिलमा दशैं तिहार बृहत् सांस्कृतिक कार्यक्रम तथा खुला खेलकुद प्रतियोगिता हुने भएको छ ।
रिब्जी युनाइटेड फर सोसियल अवारनेश (रुक्सा) को आयोजनामा कात्तिक १५ देखि १८ गतेसम्म कालिकोट खाडाचक्र नगरपालिका–११ रेगिंलमा उक्त प्रतियोगिता हुन लागेको हो ।
खुला खेलकुद प्रतियोगितामा पुरुष तथा महिला फुटबल र भलिबल प्रतियोगिता हुन लागेको आयोजकले जनाएको छ । पुरुष फुटबलतर्फ विजेताले एक लाख ४४ हजार ४४४ र उपविजेताले ७७ हजार ७७७ रुपैयाँ पाउने छन् ।
महिलातर्फ विजेताले ३३ हजार ३३३ र उपविजेताले १५ हजार ५५५ रुपैयाँ पाउने आयोजकले जनाएको छ । दर्ता शुल्क पुरुषतर्फ १० हजार र महिलातर्फ ३ हजार ५ सय तोकिएको छ ।
भलिबलमा पुरुषतर्फको विजेताले ४४ हजार ४४४ र उपविजेताले २२ हजार २२२ तथा महिलातर्फ विजेताले २२ हजार २२२ र उपविजेताले ११ हजार १११ पाउनेछन् ।
पुरुष भलिबलमा ४ हजार ५ सय तथा महिला भलिबलमा २ हजार २ सय दर्ता शुल्क तोकिएको छ ।
प्रतिक्रिया 4