१८ असोज, सर्लाही । सर्लाहीको बागमती नगरपालिका–४ जिरायतमा करिब १० वर्षको पोथी जङ्गली हात्ती मृत अवस्थामा फेला परेको छ ।
ब्रहमबाबा सामुदायिक वन नजिकै स्थानीयले लगाएको परोर खेतमा आइतबार बिहान हात्ती मृत फेला परेको हो । स्थानीयका अनुसार हिजो शनिबार राति करिब ८ बजेतिर बस्ती नजिकै हात्ती देखिएको थियो । राति खेततर्फबाट हात्ती कराएको आवाजसमेत सुनिएको उनीहरूले बताएका छन् ।
डिभिजन वन कार्यालय सर्लाहीका प्रमुख विनोद सिंहका अनुसार, हात्तीको सुडमा घाउजस्तो देखिएको छ । तर, मृत्युको कारण भने तत्काल खुल्न सकेको छैन ।
हात्ती झुण्डमा आएको हुनसक्ने वन कार्यालयको अनुमान छ । घटनास्थल बागमती नदीको छेउमा पर्छ । उक्त क्षेत्रमा यसअघि पनि जङ्गली हात्ती आउने–जाने गरेको स्थानीयले बताएका छन् ।
हात्तीको मृत्युको कारण पत्ता लगाउन पर्सा राष्ट्रिय निकुञ्जको प्राविधिक टोली घटनास्थल पुगेको छ । चितवनबाट पशु चिकित्सकको टोलीसमेत घटनास्थलतर्फ आउँदै गरेको डिभिजन वन कार्यालयले जनाएको छ ।
सर्लाहीका वन तथा नदी आसपासका क्षेत्रमा समय–समयमा जङ्गली हात्ती देखिने गरेका छन् । मृत हात्तीको मृत्युको वास्तविक कारण प्राविधिक परीक्षणपछि मात्रै खुल्ने वन कार्यालयले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4