News Summary
Generated by OK AI. Editorially reviewed.- बझाङको बित्थडचिर गाउँपालिका–८ बागथला बजारमा बस जाँचका क्रममा ५ किलो ४५० ग्राम चरेसजस्तो देखिने लागुऔषधसहित कटक जप्रेल पक्राउ परेका छन्।
- दुर्गाथली गाउँपालिका–५ का ३० वर्षीय जप्रेललाई आइतबार साँझ चैनपुरबाट धनगढीतर्फ आउँदै गरेको बसको पछाडिको डिक्कीबाट पक्राउ गरिएको प्रहरीले जनाएको छ।
- प्रहरीले जप्रेललाई अस्थायी प्रहरी पोष्ट बागथलामा राखेर थप अनुसन्धान गरिरहेको जनाएको छ।
९ कात्तिक, धनगढी । बझाङमा साढे ५ किलो चरेसजस्तो देखिने लागुऔषधसहित एक जना पक्राउ परेका छन् ।
पक्राउ पर्नेमा दुर्गाथली गाउँपालिका–५ बस्ने ३० वर्षीय कटक जप्रेल रहेका छन्।
बित्थडचिर गाउँपालिका–८ स्थित बागथला बजारमा रहेको जयपृथ्वी राजमार्गबाट उनलाई पक्राउ गरिएको प्रहरीले जनाएको छ ।
आइतबार साँझ साढे ५ बजे चैनपुरबाट धनगढीतर्फ आउँदै गरेको सुदूरपश्चिम प्रदेश ०१–००१ ख ४२११ नम्बरको बस जाँच गर्ने क्रममा बसको पछाडिको डिक्कीमा कालो झोलाभित्र लुकाइछिपाइ राखिएको चरेसजस्तो देखिने पदार्थ फेला परेको प्रहरीले जनाएको छ।
उक्त पदार्थ प्लास्टिकसहित ५ किलो ४५० ग्राम र शुद्ध तौल ५ किलो १९५ ग्राम रहेको प्रहरीले जनाएको छ।
प्रहरीले जप्रेललाई नियन्त्रणमा लिएर अस्थायी प्रहरी पोष्ट बागथलामा राखेको छ । घटनाबारे थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4