News Summary
Generated by OK AI. Editorially reviewed.- पाल्पाको रैनादेवी छहरा गाउँपालिका–३ बल्घामा अटो रिक्सा सडकबाट करिब १५० मिटर तल खस्दा ६ जना घाइते भएका छन्।
- दुर्घटनामा ३८ वर्षीया यमकला खाम्चा गम्भीर घाइते भएकी छन् भने पाँच जना मध्यम र सामान्य घाइते भएका छन्।
- प्रहरीले घाइतेहरूलाई उद्धार गरी मिसन अस्पताल पाल्पामा उपचारका लागि पठाएको छ।
९ कात्तिक, बुटवल । पाल्पामा अटो रिक्सा दुर्घटना हुँदा ६ जना घाइते भएका छन् । पाल्पाको रैनादेवी छहरा गाउँपालिका–३ बल्घामा भएको दुर्घटनामा घाइतेमध्ये एक जनाको अवस्था गम्भीर रहेको प्रहरीले जनाएको छ ।
सोमबार बिहान करिब ११ बजे बल्घाबाट कटौजे तर्फ जाँदै गरेको लु प्र ०१००१ ह २४४४ नम्बरको अटो आफैँ अनियन्त्रित भई सडकबाट करिब १५० मिटर तल खसेर दुर्घटना भएको हो ।
अटोमा चालकसहित आठ जना सवार रहेकोमा छ जना घाइते भएका जिल्ला प्रहरी कार्यालय पाल्पाले जनाएको छ । दुर्घटनामा रैनादेवी छहरा गाउँपालिका–३ का ३८ वर्षीया यमकला खाम्चा गम्भीर घाइते भएकी छन् ।
त्यस्तै, सोही स्थानका २४ वर्षीय फर्सबहादुर नेपाली, २५ वर्षीया बसन्ती बराल, ३२ वर्षीया हरिकला सारु र २५ वर्षीया मन्जु दर्लामी मध्यम घाइते भएका छन् । छ वर्षीय इजन खाम्चा सामान्य घाइते भएका छन् ।
दुर्घटनाको जानकारी प्राप्त हुनासाथ इलाका प्रहरी कार्यालय मुझुङबाट खटिएको प्रहरी टोलीले घाइतेहरूको उद्धार गरी उपचारका लागि मिसन अस्पताल पाल्पा पठाइएको थियो । सबै घाइतेको सोही अस्पतालमा उपचार भइरहेको प्रहरीले जनाएको छ ।
जिल्ला प्रहरी कार्यालय पाल्पाका प्रवक्ता प्रहरी नायब उपरीक्षक डीएसपी भिललाल भट्टराईका अनुसार अटो अनियन्त्रित भई सडकबाट तल खस्दा दुर्घटना भएको हो । घाइतेहरूको मिसन अस्पताल पाल्पामा उपचार भइरहेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4