News Summary
Generated by OK AI. Editorially reviewed.- साताको पहिलो कारोबार दिन सोमबार सेयर बजार परिसूचक नेप्से ३२.६५ अंक घटेर २६५७ अंकमा कायम भएको छ।
- आज कारोबार रकम पनि घटेर ७ अर्ब १८ करोडमा सीमित भएको छ, जबकि अघिल्लो दिन ८ अर्ब ८९ करोडको कारोबार भएको थियो।
- आज २१ कम्पनीको मूल्य बढ्दा २५२ को घट्यो र सबै समूहगत सूचक घटेका छन्, जसमा विकास बैंक १.८८ प्रतिशतले सबैभन्दा धेरै घट्यो।
१३ कात्तिक, काठमाडौं । साताको पहिलो कारोबार दिन सोमबार सेयर बजार ३२.६५ अंक घटेको छ । कारोबार सुरु भएपछि आज दिनभर बजार रातो अंकमा रह्यो ।
आजको कारोबारपछि बजार परिसूचक नेप्से २६५७ अंकमा कायम भएको छ । यसअघिको कारोबार दिन नेप्से ५ अंक मात्रै घटेको थियो ।
बजार परिसूचक नेप्सेसँगै कारोबार रकम घटेको छ । अघिल्लो दिन ८ अर्ब ८९ करोडको कारोबार भएकोमा आज ७ अर्ब १८ करोडको भयो ।
आज जम्मा २१ कम्पनीको मूल्य बढ्यो भने २५२ को घट्यो। त्यस्तै ६ कम्पनीको मूल्य स्थिर रह्यो । आज सबै समूहगत सूचक घटेका छन् । विकास बैंक सबैभन्दा धेरै १.८८ प्रतिशत घट्यो ।
त्यस्तै बैंकिङ १.०७, फाइनान्स १.५३, होटल तथा पर्यटन ०.६३, जलविद्युत् १.०८, लगानी १.४२, जीवन बीमा १.४७, उत्पादन तथा प्रशोधन ०.९०, माइक्रोफाइनान्स १.१६, निर्जीवन बीमा १.७२, अन्य १.६१ तथा व्यापार ०.८६ प्रतिशत घटे ।
हालै सूचीकृत बेनी हाइड्रोपावरको मूल्य सबैभन्दा धेरै १५ प्रतिशत बढ्यो । त्यस्तै मकर जितुमाया सुरी हाइड्रोपावरको ८.७७, मन्दाकिनी हाइड्रोपावरको ५.४७, एनआईसी एसिया बैंकको ३.०२, ब’टवल पावरको २.४८ प्रतिशत मूल्य बढ्यो ।
झापा इनर्जीको मूल्य ४.११, सांग्रिला डेभलपमेन्ट बैंकको४.०८, एनएलजी इन्स्योरेन्सको ३.८३, माउन्ट एभरेस्ट पावरको ३.५६ प्रतिशत मूल्य घट्यो ।
आज धेरै कारोबार भएका कम्पनीमा घलेम्दी हाइड्रोपावर, ग्लोबल आईएमई बैंक, कुमारी बैंक, लुम्बिनी विकास बैंक, मकर जितुमाया सुरी हाइड्रोपावर, ग्रिन भेन्चर्स, एनआईसी एसिया बैंक तथा प्राइम कमर्सियल बैंक रहे ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4