News Summary
Generated by OK AI. Editorially reviewed.- यमनको अदन सहरमा बुधबार हुथी विद्रोहीले सरकारसम्बद्ध सुरक्षा बलका सैन्य शिविरलाई निशाना बनाएर आक्रमण गरेको सुरक्षा स्रोतले जनाएको छ।
- अदनबाटै साउदी समर्थित सरकार सञ्चालन हुँदै आएको छ, र सन् २०१४ देखि यमनमा गृहयुद्ध जारी छ।
- गत जुलाईमा युद्धविराम भंग भएपछि साउदी अरब र हुथी विद्रोहीबीच पुनः संघर्ष जारी रहेको र हुथीले साउदीका विमानस्थल, ऊर्जा पूर्वाधार र सैन्य अखडा निशाना बनाउँदै आएको छ।
२६ कात्तिक, काठमाडौं । यमनमा अदन सहरमा हुथी विद्रोहीले आक्रमण गरेको छ । साउदी अरबसमर्थित सरकारका सुरक्षा स्रोतहरूले बुधबार अदन सहरमा हुथी विद्रोहीले आक्रमण गरेको जानकारी दिएका हुन् ।
सुरक्षा स्रोतका अनुसार आक्रमणमा सरकारसम्बद्ध सुरक्षा बलका सैन्य शिविरहरूलाई निशाना बनाइएको थियो । अदन सहरबाटै साउदी समर्थित सरकार सञ्चालन हुँदै आएको छ ।
यसअघि हुथी विद्रोहीको नियन्त्रणमा रहेको राजधानी सानामा गत साता भएका आक्रमणमा मारिएका दर्जनौँ व्यक्तिको अन्त्येष्टिमा ठूलो संख्यामा मानिसहरू सहभागी भएका थिए ।
उक्त आक्रमणलाई हुथी पक्षले ‘साउदी आक्रमण’ बताएको थियो । यमनमा सन् २०१४ देखि गृहयुद्ध जारी छ । सोही वर्ष हुथी विद्रोहीले राजधानी सानामाथि कब्जा जमाएका थिए ।
त्यसको एक वर्षपछि साउदी अरबको नेतृत्वमा रहेको गठबन्धन यमन सरकारको समर्थनमा युद्धमा सहभागी भएको थियो ।
सन् २०२२ मा भएको कमजोर युद्धविराम गत जुलाईमा भंग भएपछि साउदी अरब र हुथी विद्रोहीबीच पुनः संघर्ष जारी रहेको बीबीसीमा प्रकाशित समाचारमा उल्लेख छ ।
यसबीच हुथी विद्रोहीले साउदी अरबका विमानस्थल, ऊर्जा पूर्वाधार तथा सैन्य अखडाहरूलाई समेत निशाना बनाउँदै आएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4