News Summary
Generated by OK AI. Editorially reviewed.- मकवानपुरको भीमफेदीमा बिहीबार बिहान माइक्रोबस सडकबाट करिब ७०० मिटर तल खस्दा १० जनाको मृत्यु र ६ जना घाइते भएका छन्।
- मृतकमध्ये अधिकांश सर्लाहीको चक्रघट्टा गाउँपालिका ४ सुन्दरपुर टोलका रहेका र छठ मनाउन काठमाडौंबाट घर फर्किरहेका थिए।
- गाडी धनी अवधेश चौधरीका अनुसार चालकसँग राति १ बजेपछि सम्पर्क नभएको र घटनाबारे माइक्रो व्यवसायी संघबाट जानकारी पाएको बताए।
२६ कात्तिक, जनकपुरधाम । मकवानपुरको भीमफेदीमा बिहीबार बिहान भएको माइक्रोबस दुर्घटनामा मृत्यु भएका १० जना मध्ये अधिकांश एउटै टोलका रहेका छन् । मृतकहरूको सनखत नभए पनि उनीहरू सर्लाहीको चक्रघट्टा गाउँपालिका ४ सुन्दरपुर टोलका उनीहरू रहेको पालिका अध्यक्ष कृष्ण यादवले बताए ।
पालिका अध्यक्ष यादवका अनुसार एउटै टोलका करिब पाँच परिवारका सदस्यहरू सवार गाडी दुर्घटनामा परेको हो । १५ जना सवार गाडी सडकबाट करिब ७०० मिटर तल खसेर दुर्घटना हुँदा १० जनाको मृत्यु भएको प्रहरीले जनाएको छ । मृत्यु हुनेमा ५ पुरुष, ३ महिला र २ बालिका रहेका छन् । मकवानपुर प्रहरीका अनुसार दुर्घटनामा ६ जना घाइते भएका छन् । घाइते हुनेमा ३ पुरुष र ३ बालक छन् ।
पालिका अध्यक्ष यादवका अनुसार मृतकमध्ये बढी सुन्दरपुर टोलका छन् । काठमाडौंमा फलफूल व्यवसाय गरिरहेका उनीहरू छठ मनाउन एउटै गाडी रिजर्भ गरेर घर फर्किरहेको बेला दुर्घटनामा परेका हो ।
‘घर फर्किनेहरू प्रायः काठमाडौंमै बसेर व्यापार व्यवसाय गरिरहेका थिए । छठ मनाउन एउटै गाडी रिजर्भ गरेर आइरहेको बेला दुर्घटनमा परेको हो । अहिलेसम्म पाँच परिवारको मान्छेहरू छन् भन्ने मैले जानकारी पाएको छु’ उनले भने ‘म र गाउँका साथीहरू जाँदै छौं । बाटोमा छौं।’
गाडी धनी अवधेश चौधरीका अनुसार चालकसँग राति १ बजेपछि सम्पर्क नभए बताए। उनले घटनाबारे माइक्रो व्यवसायी संघबाट थाहा पाएको सुनाए।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4