+
+
Shares

भदौ २३-२४ को घटना लोकतान्त्रिक प्रणालीभित्र स्वीकार्य छैन : केपी ओली

काठमाडौंमा जारी पार्टीको राष्ट्रिय भेला–२०८३ को दोस्रो दिनको बन्द सत्रलाई सम्बोधन गर्दै उनले २३–२४ भदौ २०८२ को घटनालाई त्रासदीपूर्ण, विध्वंसात्मक र आतंकपूर्ण क्रियाकलापको संज्ञा दिए ।

अनलाइनखबर अनलाइनखबर
२०८३ मंसिर ३ गते १३:०७

News Summary

Generated by OK AI. Editorially reviewed.
  • केपी शर्मा ओलीले २३–२४ भदौ २०८२ को घटनालाई लोकतान्त्रिक प्रणालीभित्र स्वीकार गर्न नसकिने, त्रासदीपूर्ण र विध्वंसात्मक क्रियाकलाप भनेका छन्।
  • ओलीले कांग्रेस–एमाले मिलेर सरकार गठन गर्नु देशमा स्थिरता र स्थायित्व कायम गर्न तत्कालीन आवश्यकताअनुसार गरिएको बताएका छन्।
  • उनले दुई ठूला दलको सहकार्यबाट स्थिरता आउने देखेपछि प्रतिक्रियावादी शक्तिहरू आत्तिएर २३–२४ भदौको घटना गराएको दाबी गरेका छन्।

३ मंसिर, काठमाडौं । नेकपा एमालेका अध्यक्ष केपी शर्मा ओलीले २३–२४ भदौ २०८२ को घटनालाई लोकतान्त्रिक प्रणालीभित्र स्वीकार गर्न नसकिने बताएका छन् ।

काठमाडौंमा जारी पार्टीको राष्ट्रिय भेला–२०८३ को दोस्रो दिनको बन्द सत्रलाई सम्बोधन गर्दै उनले २३–२४ भदौ २०८२ को घटनालाई त्रासदीपूर्ण, विध्वंसात्मक र आतंकपूर्ण क्रियाकलापको संज्ञा दिए ।

‘भदौ २३–२४ को एउटा त्रासदीपूर्ण, विध्वंसात्मक र आतंकपूर्ण क्रियाकलाप भयो । यो लोकतन्त्रभित्रको स्वीकार्य कुरा होइन,’ अध्यक्ष ओलीले भने, ‘लोकतान्त्रिक प्रणालीभित्र मान्न सकिने घटनाक्रम होइन । यो बिल्कुल अस्वीकार्य घटना हो ।’ २३–२४ भदौको घटनालाई एमालेले तत्कालीन अवस्थामा नस्वीकारेको र भविश्यमा पनि नस्वीकार्ने उनले जिकिर गरे ।

‘त्यसलाई स्वीकार्न सकिँदैन । आज पनि सकिँदैन,’ ओलीले भने, ‘हिजो तत्काल पनि त्यसलाई स्वीकारेका थिएनौँ र भविष्यमा पनि स्वीकारिने छैन ।’

ओलीले दुई प्रमुख प्रतिस्पर्धी दलहरूबीचको सहकार्य सामान्य राजनीतिक परिस्थितिमा हुने घटना नभए पनि मुलुकको आवश्यकता र तत्कालीन परिस्थितिलाई बुझेर कांग्रेस–एमाले मिलेर सरकार गठन गरिएको स्मरण गरे ।

‘हाम्रो देशमा स्थिरता र स्थायित्व कायम गर्न, देश अस्थिरता र अस्थायित्वतर्फ जाने सम्भावनालाई रोक्न दुईवटा प्रमुख पार्टी मिलेर सरकार बनाएका थियौं । सामान्य अवस्थामा त्यस्तो सरकार बन्दैन,’ उनले भने, ‘तर, इतिहास, योगदान, सामर्थ्य र भविष्यप्रतिको जिम्मेवारी बोकेका दुई प्रमुख प्रतिस्पर्धी पार्टीहरू मिलेर सरकार बनाएका थियौं । त्यो समयको माग र आवश्यकता थियो ।’

दुई ठूला दलबीचको सहकार्यले मुलुकमा स्थिरता कायम हुने र निर्वाचनसम्म सरकार ढाल्न नसकिने अवस्था बन्ने देखेपछि प्रतिक्रियावादी शक्तिहरू आत्तिएर २३–२४ भदौको घटना गराएको ओलीको दाबी छ ।

‘नेपालमा स्थिरता हुने भयो, स्थायित्व हुने भयो, अब निर्वाचनसम्म सरकार ढाल्न नसकिने भयो भन्ने भएपछि प्रतिक्रियावादी शक्तिहरू आत्तिए,’ उनले भने, ‘निर्वाचनमा पनि दुईवटा पार्टी मिलेर गए भने कसैले केही गर्न नसक्ने भयो । लोकतान्त्रिक प्रणाली र संविधान ढाल्न नसकिने भयो, फाल्न नसकिने भयो भन्ने भएपछि आफ्ना संकीर्ण स्वार्थ पूरा नहुने देखेर भूराजनीति प्रबल भएर आयो ।’

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?