संविधान नबन्दा पनि सातामा १४ अंकले बढ्यो नेप्से सूचक

१० माघ काठमाडौं । संविधान जारी नभए पनि सेयर बजारका लगानीकर्ताहरु खासै निरुत्साहित भएनन । यो साताभरमा नेप्से परिसूचक १३.८८ अंकले बढेको छ ।

लगानीकर्तामा केही महिनाभित्र संविधान आउने विश्वास रहेकाले सेयर बजारमा माघ ८ ले खासै प्रभाव नपारेको स्टक ब्रोकर एसोसिएनसका निवर्तमान अध्यक्ष नरेन्द्र सिँजापतिले जानकारी दिए ।

साताभरमा चार दिन मात्रै कारोबार भएको थियो । जसमा १ सय ६४ कम्पनीका ३७ लाख ६६ हजार कित्ता सेयर १ अर्ब ८८ करोड ९३ लाख रुपैयाँमा किनबेच भए । कारोबार रकम गत साताकोभन्दा ९१.७० प्रतिशत बढी हो ।

‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पहिलो दिनको तुलनामा ३.४९ अंकले बढेर २०४.६५ अंकमा आईपुगेको छ ।

कारोबार रकम ४६ करोड ३१ लाख २० हजार रुपैयाँको आधारमा स्ट्यान्डर्ड चार्टर्ड बैंक अग्रस्थानमा छ । सेयर संख्याका आधारमा ग्रान्ड बैंकको कारोबार बढी भएको छ । बैंकको चार लाख दुई हजार कित्ता सेयर किनबेच भएको छ ।

कारोबार रकमका आधारमा साताका उत्कृष्ट ५ कम्पनी