जनता बैंकको पनि चिपमा आधारित भिसा डेबिट कार्ड

१९ फागुन, काठमाडौं । जनता बैंकले बुधबारदेखि चिप प्रणालीमा आधारित भिसा डेबिट कार्ड सञ्चालनमा ल्याएको छ ।

कार्ड सम्बन्धि कारोवारलाई अझ सुरक्षित बनाउँदै कार्डबाट हुने कारोवारको जोखिम न्यूनिकरण गर्ने उदेश्यले चिप प्रणालीमा आधारित भिसा डेबिट कार्ड सञ्चालनमा ल्याईएको हो ।

पारम्परिक म्यागनेटिक स्ट्राइप प्रविधिका कार्डहरुभन्दा चिप प्रविधिका कार्डहरु बढी सुरक्षित मानिन्छन् ।

आफ्ना ग्राहकहरुसँग रहेका म्यागनेटिक स्ट्राइप प्रविधिका कार्डहरुलाई क्रमशः प्रतिस्थापन गर्ने बैंकको योजना रहेको छ ।