कचनकबल–१ मा राप्रपाका लक्ष्मीनारायण यादव विजयी

१६ असार, झापा । मुलुककै होचो ठाउँको रुपमा चिनिएको कचनकबल गाउँपालिकाको वडा नम्बर १ को वडाध्यक्षमा राप्रपाका उम्मेदवार लक्ष्मीनारायण यादव विजयी भएका छन् ।

यादवले ८६० मतका साथ जित दर्ता गराउँदा प्रतिद्वन्द्वी नेपाली कांग्रेसका उम्मेदवारले ७३२ मत पाए ।

एमाले उम्मेदवार ४०२ मतका साथ तेस्रो भए । माओवादीले ४२६ मत पाएको निर्वाचन अधिकृत देवीबहादुर भण्डारीले अनलाइनखबरलाई जानकारी दिए ।

गाउँपालिका प्रमुखमा भने कांग्रेसले लिड गरिरहेको छ । कांग्रेसका प्रमुखले ११६९ मत पाउँदा राप्रपाका मेयर उम्मेदवार ८५६ मतका साथ कांग्रेस उम्मेदवारलाई पछ्याइरहेका छन् । एमालेका प्रमुख पदका उम्मेदवारले ६१५ मत पाएका छन् ।