बिहिबार बेलुकी काठमाडौंको सोल्टी होटलमा आयोजना भएको ‘कृति अवार्ड’ मा सहभागी भएर नायिका प्रियंका कार्की निर्देशक दिपाश्री निरौलाको जन्मदिनको खुशी साट्न नयाँ बानेश्वरमा रहेको रेडियो अडियोको कार्यालयमा पुगिन् । त्यहाँ पुग्नेवित्तिकै उनी टेलिभिजनका लागि इन्टरभ्यूमा व्यस्त भइन् । समसामयिक चलचित्र क्षेत्रको बिषयदेखि दिपाश्रीको बिषयमा उनले आफ्नो भनाई राखेकी थिइन् ।

सेल्फी क्रेज उस्तै
नायिका प्रियंका कार्कीमा सेल्फी क्रेज खुबै छ । उनको सामाजिक संजाल हेर्ने हो भने तस्बिरको बाढी नै देखिन्छ । उनी रेडियो अडियोको कार्यक्रममा दिपाश्रीसँग सेल्फीमा रमाएकी थिइन् ।

केक गिफ्ट, दीपाको प्रशंसा
दिपाश्रीको जन्मदिनको अवसरमा प्रियंकाले केक गिफ्ट दिइन् । प्रियंकाले दिएको केक काट्दै दिपाश्रीले उनलाई धन्यवाद दिइन् । उक्त अवसरमा यी दुईबीचको माया–प्रेम पनि खुबै छचल्कियो । प्रियंकाले दीपाश्रीको व्यक्तित्वको बयान खुबै गरिन् । दीपाश्री आफ्नी दिदीसरह भएको उनको भनाई थियो । दीपाश्रीको जन्मदिन सेलिव्रेशन सकेर प्रियंका आफ्नो घरतर्फ लागिन् ।

एक बिहानै हलमा
शुक्रबार बिहानै नायिका कार्की छोटो पहिरन लगाएर काठमाडौंको बीग मुजिभमा पुगिन् । उनी आफ्नी आमा र आफन्तको साथमा आएकी थिइन् । आफूले अभिनय गरेको चलचित्र ‘नाई नभन्नु ल ५’ को विशेष शोमा उनी उपस्थित भएकी हुन् ।

हलमा प्रियंकाले मिडियासँग तस्बिर र फ्यानसँग सेल्फी खिचाइन् । उनी चलचित्रको टिमसँग पनि तस्बिर खिचाउन व्यस्त भइन् । चलचित्र हेर्दा प्रियंका थुप्रैपटक रोएकी थिइन् ।

बाल–कलाकारसँग प्रेम
चलचित्र हेरेर निस्कदै गर्दा उनी मिडियाको घेरामा परिन् । बाहिर रहेका मिडियाकर्मीसँग इन्टरभ्यू दिएरै करिब उनको ४५ मिनेट वित्यो । सो समयमा उनले चलचित्रका मुख्य २ बाल–कलाकार अनुभव रेग्मी र सेड्रिना शर्माप्रति प्रेम दर्शाइन् । अनुभव र सेड्रिनाको दुबै गालामा उनको लिपिष्टिकको डाम बसेको थियो । उनले चलचित्र र कलाकारको प्रशंसा गरिन् । यो चलचित्रसँग जोडिन पाएकोमा खुशी लागेकोसमेत उल्लेख गरिन् ।

फुस्कियो बटन
प्रियंका चलचित्र हेरेर निस्कदै गर्दा उनलाई फ्यानले तस्बिरका लागि आग्रह मात्र गर्दै आफूतिर ताने । फ्यानले तान्दा उनको पहिरनको माथिल्लो भागको बटन नै खुस्कियो । बटन फुस्किएपछि प्रियंकालाई आपत प¥यो । मिडियासँग कुराकानी गर्दा उनी धेरै नै सम्हालिने कोशिश गरिन् । तर, उनले यस्तो कुरा सामान्य भएको भन्दै प्रतिक्रिया दिइन् ।