काठमाडौं । ब्राजिलियन मिडफिल्डर फिलिप काउटिन्हो बार्सिलोनामै बस्ने सम्भावना बढेको छ ।
गत सिजन महंंगो मूल्यमा लिभरपुलबाट बार्सिलोना गएका काउटिन्होको प्रदर्शन अपेक्षाकृत हुन सकेन । त्यसैले यो सिजनलाई उनलाई बेच्न खोजिएको थियो ।
इंग्लिस क्लब टोटनहृयाम र आर्सनलले उनलाई अनुबन्ध गर्ने इच्छा पनि देखाएको थियो । तर सहमति हुन सकेन ।
८ अगष्टमा इंग्लिस ट्रान्सफर सकिएसँगै उनी बार्सिलोनामै रहने सम्भावना बढ्यो ।
यद्यपि बार्सिलोनाले पेरिस सेन्ट जर्मेनबाट नेयमारलाई फर्काउने प्रयास गरिरहेको छ । यो प्रयास सफल भएको अवस्थामा काउटिन्हो पेरिस जानसक्छन् । –मार्काको सहयोगमा
