५ मंसिर, काठमाडौं । राष्ट्रपति डा. रामवरण यादवले एकीकृत नेकपा माओवादीका अध्यक्ष प्रचण्डलाई शीतलनिवासमा बोलाएर संविधान निर्माणबारे छलफल गरेका छन् ।
शुक्रबार बिहान शीतलनिवासमा राष्ट्रपति र विपक्षी दलका नेता प्रचण्डवीच करिब एब घण्टा कुराकानी भएको छ ।
भेटमा राष्ट्रपतिले प्रचण्डलाई सहमतिका आधारमा संविधान निर्माणमा जिम्मेवार भएर भूमिका खेल्न आग्रह गरेको स्रोतले बतायो । प्रचण्डले राष्ट्रपतिसँग कांगेस र एमालेले विगतका सहमति उल्लंघन गरेको गुनासो पोखेका थिए ।
राष्ट्रपति डा. रामवरण यादवले बुधबार साँझ सभामुख सुवासचन्द्र नेम्वाङसँग पनि यसैगरी संविधान निर्माणबारे परामर्श गरेका थिए ।