११ चैत, काठमाडौं । राष्ट्रिय लिग फुटबल चैत २० गतेबाट फेरि सुचारु हुने भएको छ । अखिल नेपाल फुटबल संघ एन्फाले बुधबार खेल तालिका सार्वजनिक गरेको छ ।
२० गते नेपाल पुलिस र झापा ११ भिड्नेछन् । खेल त्रिपुरेश्वरस्थित दशरथ रंगशालामा हुनेछ ।
यो पटक केही खेल राजधानी बाहिर समेत राखिएको छ । धनगढी, रुपन्देही, झापा र बिराटनगरमा पनि केही खेल राखिएको छ ।
राष्ट्रिय लिगको अन्तिम खेल जेठ २४ गते थ्रीस्टार र मनाङ मस्र्याङ्दी क्लबबीच हुनेछ ।
मोफसलमा हुने नक आउट प्रतियोगिताका कारण राष्ट्रिय लिगका खेलहरु रोकिएको थियो । प्रारम्भीक दुई खेल सकिँदासम्म थ्रीस्टार ६ अंकका साथ शीर्ष स्थानमा छ भने समान अंक जोडेको मनाङ गोल अन्तरका आधारमा दोस्रो स्थानमा छ ।