३१ वैशाख, काठमाडौं । भूकम्पपछि गएको पहिरोका कारण विभिन्न क्षेत्रका सडक अवरुद्ध भएका छन् । सिन्धुपाल्चोकको थाङपालधाप गाउँ विकास समितिमा गएको पहिरोका कारण सिन्धुपाल्चोक मेलम्ची सडकखण्ड अवरुद्ध भएको छ ।
त्यस्तै दोलखा-लामाबगर सिंगटी सडकखण्ड पनि पहिरोका कारण अवरुद्ध भएको छ ।
सिन्धुपाल्चोक बाह्रबिसे-तातोपानी सडकखण्ड पनि पहिरोका कारण अवरुद्ध भएको प्रहरीले जनाएको छ ।
रामेछापको सहरे-४ मा गएको पहिरोले चरिकोट-मन्थली सडकखण्ड अवरुद्ध भएको छ ।
त्यसैगरी लमजुङको ताघ्रीङ-१ च्याम्चेमा गएको पहिरोका कारण लमजुङ बेशिसहर-मनाङ सडकखण्ड अवरुद्ध भएको छ ।
