के बुढापाकाहरुको पनि यौन जिवन हुन्छ ? के उनीहरु पनि सेक्समा रुची राख्दछन् ?
यो एउटा यस्तो प्रश्न हो जसको बारेमा कोहीपनि कुरा गर्न चाहँदैन, बुढापाकाहरु समेत ।
यो प्रश्नको उत्तर खोज्ने प्रयास धेरै पटक नभएको होइन । तर प्रश्न धेरै हदसम्म अनुत्तरित तथा विवादास्पद नै छ । तर पछिल्लोपटक गरिएको एक अध्ययनले बुढेसकालको यौन जिवनका विषयमा केही गहकिला तथ्यहरु बाहिर ल्याएको छ ।
बेलायतको म्यानचेष्टर विश्वविद्यालयका शोधकर्ताहरुले हालै गरेको एक अध्ययन अनुसार ७० वर्ष उमेर कटिसकेका मध्ये ५४ प्रतिशत पुरुष तथा ३१ प्रतिशत महिलाहरु सेक्सको मामिलामा सक्रिय हुन्छन् ।
रोयल कलेज अफ नर्सिङमा कार्यरत वृद्धावस्था विषयकी सल्लाहाकार डनी ग्यारेट भन्छिन्, ‘मानव स्पर्श तथा सेक्स मनुष्यको आधारभुत आवश्यकता हो ।’
यसको कारण खोज्दै कलाकार लुइ बाइबर भन्छन्, ‘उमेरको विषयलाई लिएर अहिलेपनि एक प्रकारको पुर्वाग्रह छ । हामीले वृद्धवृद्धाहरुलाई उनीहरुकै रुपमा नहेरेर यस्तो ठान्छौँ की उनीहरुको सबै चिज खत्तम भैसक्यो ।’
कलाकार लुइ आफ्नो कलाको माध्यमबाट बढ्दो उमेर तथा सेक्सका मसलाहरुलाई उठाइरहन्छन् ।
म्यानचेष्टर विश्वविद्यालयले आफ्नो शोधका क्रममा अर्को तथ्य पनि फेला पारेको छ । त्यस अनुसार ३९ प्रतिशत पाका पुरुष तथा ३२ प्रतिशत पाका महिलाहरु सेक्सका क्रममा उत्तेजनाको विषयलाई लिएर समस्या भोग्दछन् ।
त्यस्तै बुढेसकाल लागिसकेका ३१ प्रतिशत पुरुष तथा २० प्रतिशत महिलाहरु आफ्नो जिवनसाथीलाई पटक पटक चुम्बन गरेर प्रेम प्रकट गर्दछन् ।
कलाकार लुइका अनुसार वृद्धवृद्धाहरुका लागि विशेष रुपले बनाइएका वृद्धाश्रमहरुमा बुढाबुढीहरुको यौनजिवनको विषयमा कसैले कुनैपनि चर्चा तथा ध्यान दिइँदैन । समस्या वृद्धवृद्धाहरुमा होइन की उनीहरुको हेरविचार गर्ने तथा स्याहार सुसार गर्नेहरुमा छ । किनकी उनीहरु बुढाबुढीहरु सेक्सका कुरा गर्न मन पराउँछन् भन्ने ठान्दैनन् ।
लुइ भन्छन्,’भलै बुढाबुढीहरु लामो समयदेखि सहवास गर्न नपाएका वा नसकेका होउन् तर उनीहरु जिउँदै त छन् । उनीहरुका कल्पना, हास्यबोध तथा रसरँग गर्ने आनीबानी ज्युँ का त्युँ हुन्छ । अश्लील चुटि्कला तथा कथाहरुका साथै यौनका प्रसँगहरु सुुन्ने र भन्ने भोक उनीहरुमा तिब्र हुन्छ ।’
