२०७२ भदौ ७ गते ७:१७ 
७ भदौ, काठमाडौं । म्यानचेष्टर सिटीले इंग्लिस प्रिमियर लिग फुटबलमा विजयी यात्रा कायमै राखेको छ ।
आइतबार राति भएको खेलमा सिटीले इभर्टनलाई २–० गोल अन्तरले पराजित गरेको हो ।
इभर्टनको घरेलु मैदान गोडिसन पार्कमा भएको खेलको पहिलो हाफ गोलरहित बराबरीमा सकिएको थियो । पहिलो हाफको अन्तिममा लुकाकुको प्रहार बारमा लागेर फर्कदा घरेलु दर्शक निराश भएका थिए ।
तर, ६० औं मिनेटमा कालरोभले गोल गर्दै म्यानचेष्टर सिटीलाई अग्रता दिलाए ।
८८ औं मिनेटमा समिस नासरीले गोल गरेपछि सिटीको जित सुनिश्चित भयो । याया टोरेसँग वान टु पासमा नासरीले गरेको गोल निकै लोभलाग्दो थियो ।
ग्यारेथ बेरीको प्रहार सिटीका कप्तान कम्पोनीले अफलाइनबाट क्लियर गरेका थिए ।
जितपछि सिटी ३ खेलबाट ९ अंकका साथ अंक तालिकाको शीर्ष स्थानमा उक्लिएको छ । ७ अंक जोडेको म्यानचेष्टर युनाइटेड तेस्रो र ४ अंक जोडेको चेल्सी नवौं स्थानमा छ ।
प्रतिक्रिया 4