नयाँ अपरेटिंग सिस्टम विन्डोज १० उपभोक्तासामु ल्याएसँगै माइक्रोसफ्टले यो अपरेटिंग सिस्टमका लागि नयाँ नयाँ अपडेट्स सार्वजनिक गर्दैछ । यहीँ मेसोमा माइक्रोसफ्टले अबको एक महिनामा अफिस २०१६ को फाइनल भर्सन पेश गर्दैछ ।
विनफ्युचर नामक जर्मन वेबसाइटले माइक्रोसफ्ट निकट सुत्रलार्य उधृत गर्दै समाचार दिए अनुसार आगामी सेप्टेम्बर २२ मा माइक्रोसफ्टले अफिस २०१६ लन्च गर्ने तयारी गरिरहेको छ ।
उक्त रिपोर्टमा एउटा तस्वीर पनि दिइएको छ जुन कम्पनीको इन्ट्रानेट साइटको एक गोप्य स्त्रिmनशट रहेको दाबी गरिएको छ ।
तस्वीरमा देखाइएको अफिस २०१६ लन्च हब नामको पेजमा लेखिएको छ- हामी वर्ड, एक्सेल, पावरप्वाइन्ट, वननोट, आउटलुक, स्काइप फर बिजनेस, प्रोजेक्ट, भिडियो, एक्सेस तथा पब्लिसरका अपडेट्सको साथमा अफिस २०१६ सार्वजनिक गर्नेछौँ ।
अफिस २०१६ लाई सेप्टेम्बरको अन्तिम सम्ममा सार्वजनिक गरिने भन्ने सूचना माइक्रोसफ्टले केही अघि मात्र आफ्ना कर्मचारीलाई प्रवाह गरेको बताइएको छ ।
माइक्रोसफ्टले गएको जुनमा म्याक कम्प्युटरका लागि अफिस २०१६ रिलिज गरेको थियो । त्यस सँगै एन्ड्रोइड फोनका लागि समेत नयाँ एप ल्याइएको थियो े। एउटा म्याक तथा विन्डोज पिसीका लागि अफिस ३६५ लाई ७० डलरमा तथा पाँचवटा पिसीका लागि १ सय डलरमा खरीद गर्न सकिन्छ । जबकी यसको मोबाइल एप भने निशुल्क छ ।
