२०७२ भदौ १३ गते ७:०० 
१३ भदौ, काठमाडौं । थोमस भर्मालिनको गोलको मदतमा बार्सिलोनाले स्पेनिस ला लिगा फुटबलमा बार्सिलोनाले मालागालाई पराजित गरेको छ ।
शनिबार राति भएको खेलमा बार्सिलोनाले मालागामाथि १–० को संघर्षपूर्ण जित हात पारेको हो ।
बार्सिलोनाका तीन स्ट्राइकर लिओनल मेस्सी, लुइस स्वरेज र नेयमार एकसाथ खेलिरहेका थिए । सबैको नजर उनीहरुमाथि नै थियो तर, विजयी गोल भर्मालिनले गरे ।
भर्मालिनले ७३ औं मिनेटमा गोल गरेका हुन् । गत सिजन आर्सनलबाट बार्सिलोना गएका भर्मालिनको क्लबका लागि यो पहिलो गोल समेत हो ।
त्यसअघि दोस्रो हाफमा मालागाका गोलरक्षकले लिओनल मेस्सीको चार प्रहार असफल बनाएका थिए ।
प्रतिक्रिया 4