२५ भदौ, काठमाडौं । सदभावना पार्टीका सहअध्यक्ष लक्ष्मणलाल कर्णले संविधानसभामा प्रक्रिया स्थगित गर्ने प्रमुख तीन दलको निर्णय स्वागतयोग्य भएको प्रतिक्रिया दिएका छन् ।
उनले अनलाइनखबरसँग भने-‘तीन दल एक कदम पछाडि हटे, राम्रो भयो । अब दंगाग्रस्त क्षेत्र घोषणा र कर्फ्यू पनि फिर्ता होओस् ।’
सरकारले तराई मधेसको शान्तिपूर्ण आन्दोलनमा दमन गर्न बन्द गरे वार्तामा बस्ने कर्णले बताए ।
तराई-मधेसमा जारी आन्दोलनलाई दवाउन सरकारले सेना परिचालन गरेको भन्दै उनले सेना फिर्ता गर्न माग गरे ।
उनले भने-‘जनताले अझै सुरक्षित महसुस गरेका छैनन् । सबै अस्तव्यस्त भएको छ । अब त्यो पनि मिलाइयोस् ।’