२४ माघ, काठमाडौं । नेपालबाट इजरायलमा पहिलो चरणमा केयरगिभरका रुपमा जाने ६० जना कामदारको टंगो लागेको छ।
अन्तिम चरणको भाषा परीक्षा पास गरेका ६० जनाले इजरायल जाने अवसर पाउने भएका हुन् । गत माघ १९ गते १ सय जनाले इजरायल जानका लागि भाषा परीक्षा दिएका थिए ।
इजरायलको पपुलेशन इमिग्रेसन बोर्डर एथोरेटीले ६० जनालाई इजरायल लैजाने व्यक्तिहरुको टंगो लगाएको हो । भाषा परीक्षाको नतिजा सार्वजनिक भइसकेको छ ।
वैदेशिक रोजगार विभागले भाषा परीक्षा पास भएकालाई स्वास्थ्य परीक्षणका लागि तयार रहन सूचित गरेको छ । इजरायलले यसपछि पनि विभिन्न चरण्मा नेपाली कामदारलाई केयर गिभरमा रुपमा लैजानेछ । राम्रो आम्दानी हुने भएकाले धेरै नेपालीको यसमा आकर्षण छ ।
बालबालिका र वृद्धवृद्धाको हेरचाहको लागि केयरगिभर लैजान लागिएको हो । त्यसै कारण इजराययले धेरैजसो नर्स र स्वास्थ्य प्राविधिलाई छनौट गरेको छ ।
तपाईं पास हुनु भयो ? हेर्नुस् भाषा परीक्षाको नतिजा (दुर्इ पटक क्लीक गरेर हेर्नुस् )
