१५ साउन, काठमाडौं । अमेरिकी मिडिया रिपोर्टहरु अनुसार डेमोक्रेटिक पार्टीबाट राष्ट्रपति पदकी उमेदवार हिलारी क्लिन्टनको चुनाव अभियानसँग सम्बन्धित जानकारीहरु हृयाक गरिएको छ ।
रिपोर्टहरुमा यसलाईलाई डेमोक्रेटिक पार्टी विरुद्धको ठूलो साइबर हमला बताइएको बीबीसीले जनाएको छ ।
डेमोक्रेटिक नेशनल कमिटी तथा डेमोक्रेटिक कांग्रेस्नल क्याम्पेन कमिटिसँग सम्बन्धित दुई जानकारी हृयाक गरिएको हो ।
अमेरिकी अधिकारीका अनुसार हमलाको पछाडि रुसी सरकारको लागि काम गर्ने एजेन्टको हात रहेको छ ।
रुसले अमेरिकामा हुने राष्ट्रपति चुनावलाई प्रभावित गर्न खोजिरहेको आशंका व्यक्त गरिएको सञ्चारमाध्यमहरुले जनाएका छन् ।
रुस सरकारले साइबल हमलामा आफ्नो कुनै हात नरहेको बताएको छ । र, अमेरिकाको यस्तो आरोपलाई उसले ‘द्वेष भरिएको रुस विरोधी’ भनाइ भन्दै निन्दा गरकेो छ ।
क्लिन्टनको चुनावी प्रचार टीमले जाँच बुझ सम्बन्धि डाटा प्रोग्राम हृयाकरले कव्जामा लिएको बताएको छ ।
एफबीआइले हृयाकिङबारे गंभिरता पूर्वक जाँच गरिरहेको जनाएको छ ।
