घाँटी रेटेर युवकको हत्या

२३ पुस, रौतहट । जिल्लाको करुनिया गाविसमा एकजनाको अज्ञात व्यक्तिको समुहले घाँटी रेटेर हत्या गरिएको छ ।

करुनिया गाविस २ का ३३ बषर्ीय अभिनन्दन साहको घाँटी रेटेर हत्या गरिएको अवस्थामा सोही गाविसको वडा नम्वर ६ स्थित बाँसघारीमा शव फेला परेको इलाका प्रहरी कार्यालय गरुडाले जनाएको हो ।

प्रहरी निरीक्षक केशव रेग्मीले खेतमा काम गर्ने स्थानीयले शव देखपछि प्रहरीलाई खवर गरेको र प्रहरी टोली पुग्दा धारिलो हतियारबाट घाँटी रेटेर हत्या गरिएको अवस्थामा साहको शव फेला परेको बताए ।

घटना पश्चात अनुसन्धानको प्रक्रिया अगाडि बढाएको जिल्ला प्रहरी कार्यालय रौतहटले जनाएको छ ।