ऋतिक रोशन र कट्रिना कैफ अक्टुबर २ तारिखमा प्रदर्शनमा आउन लागेको आफ्नो चलचित्र ‘ब्याङ ब्याङ’लाई लिएर निक्कै उत्साहित छन् । दुबै कलाकार यसको प्रमोशनमा जुटेका पनि छन् । तर, सिनेमा चलाउन विभिन्न टेलिभिजन रियालिटी शोमा पुग्ने चलनलाई भने यो सिनेमाका कलाकारले ब्रेक लगाएका छन् ।
हालै मात्र सुरु भएको सलमान खानले संचालन गरिरहेको रियालिटी शो ‘बीग बोस ८’मा पनि ऋतिक र कट्रिना नपुग्ने भएका हुन् । ऋतिक र सलमान खानबिचको चिसिएको सम्बन्धका कारण पनि यो निर्णय लिइएको हुनसक्छ ।
तर, यसको निर्माणपक्षले आफ्नो सिनेमाको एक्सन र गीत हिट भैसकेकाले कुनै रियालिटी शोको आवश्यकता नभएको ठहर गरेको जनाएको छ । जसका कारण पनि यो सिनेमाको प्रचार टेलिभिजन शोहरुमा नहुने पक्का भएको भारतीय संचारमाध्यहरुले जनाएका छन् ।
