निकुञ्जका कर्मचारीको गोली हानी हत्या

९ असोज, चितवन । अज्ञात समूहले चितवन राष्ट्रिय निकुञ्जका कर्मचारीको गोली हानी हत्या गरेको छ । अर्का एक घाइते भएका छन् ।

अयोध्यापुरी ८ मा ना २६ प ८८० नम्बरको मोटरसाइकलमा ठोरी जाँदै गरेका निकुञ्जका कर्मचारी रत्ननगर १ टाँडीका शेषचन्द्र चौधरीको हत्या भएको प्रहरीले जनाएको छ । नजिकैको जंगलबाट भरुवा बन्दुकसहित आएको समूहले गोली हानेर भागेका थिए ।

घटनामा बघौडा १ बसन्तपुरका त्रिलोक महतो घाइते भएका छन् । उनको भरतपुर अस्पतालमा उपचार भइरहेको छ ।