+
+

लोकप्रिय बन्दै फेसबुक बिरोधी साइट, घण्टामा ३१ हजार नयाँ सदस्य थपिदै

अनलाइनखबर अनलाइनखबर
२०७१ असोज १४ गते २०:४६

Ello1फेसबुकबाट वाक्क दिक्क भएका सामाजिक संजाल प्रयोगकर्तालाई लक्षित गरी सुरु गरिएको एउटा फेसबुक बिरोधी सामाजिक संजाल एकाएक लोकप्रिय बन्न थालेको छ ।
‘बिज्ञापन मुक्त’ सामाजिक संजालका रुपमा सुरु गरिएको ‘एलो’ साइट अहिले यति लोकप्रिय भइरहेको छ कि एक घण्टामै झण्डै ३१ हजारका दरले नयाँ सदस्यहरु थपिइरहेका छन् ।
७ जना आइटी प्रोफेसनहरुले आफ्ना साथीहरुसँग जोडिन सुरु गरेको एलो लोकपि्रय बनेपछि अहिले सर्वसाधारणका लागि पनि खुला गरिएको छ ।
अगष्ट ७ तारिखबाट सुरु भएको यो साइटले आफुलाई ‘एन्टी फेसबुक सोसल मिडिया’का रुपमा चिनाइरहेको छ । फेसबुकमा जस्तै बिज्ञापन पनि नहुने र प्रयोगकर्ताको तथ्याङ् पनि नबेचिने साइटले दावी गरेको छ ।
एलोमा पनि फेसबुक र ट्वीटरजस्तै सुबिधाहरु छन तर त्यति प्रयोगकर्ता मैत्री भने छैन् । यसमा स्टाटस लेख्न, प्रोफाइल तस्वीरु राख्न, साथीलाई एड वा फलो गर्न पाइन्छ ।
ello2यसको मुख्य बिशेषता भनेकै तपाईले फेसबुकमा जस्तो बिज्ञापनको भिडभाड देख्नु पर्दैन, फेसबुकमा जस्तो वास्तविक नाम र लिंग खुलाउनु पर्दैन र तपाईका ब्यक्तिगत सूचना बिज्ञापनदातालाई बेचिने खतरा छैन ।
यो साइट यसरी भाइरल हुनुको मुख्य कारणचाहिँ यसको वास्तविक नाम र लिंग खुलाउन नपर्ने नीति नै हो । जसले गर्दा तेस्रो लिंगी, समलिंगी र उभयलिंगीहरुले राहत महसुस गरेका छन् ।
एलोका संस्थापक वल बुठनीत्ज अमेरिकी राज्य वेरमोन्टको एक बाइक सपका मालिक हुन् ।
प्रबिधि बिश्लेषकहरुले इलोले सुरुवाती दिनमा बिना बिज्ञापन लोकपि्रयता हाँसिल गरिरहेको भएपनि लामो समयसम्म आफ्नो नीतिमा अडिन सक्नेमा शंका ब्यक्त गरेका छन् ।
एलोले कसरी संचालन खर्च जुटाउने भन्ने स्पष्ट नपारेका कारण कुनै दिन बिज्ञापनमा जान बाध्य उनीहरुको अनुमान छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?