२३ असोज काठमाडाैं । ओम फाईनान्स लिमिटेड दमौली शाखाले तनहुं जिल्ला ब्यास नगरपालिका ५ स्थित सिन्धु प्राथमिक बिधायलका बिद्यार्थीहरुलाई स्टेशनरी सामाग्री बितरण गरेको छ ।
दमौलीका शाखा प्रवन्धक प्रतिक्षा श्रेष्ठ र कर्मचारीहरुले स्कूलका प्रधानाध्यापक राम बहादुर नेपालीलाई स्टेशनरी, खेलकूद तथा संगितका समाग्रीहरु हस्तान्तरण गरेको हो । स्कूलमा ७६ जना बिद्याथीहरु अध्ययनरत छन् भने त्यसमध्ये १३ जना बिद्याथीहरु अपांड्ड रहेका छन् ।
ओम फाईनान्स र कामना विकास बैंक आपसमा मर्ज भई राष्ट्रिय स्तरको विकास बैंकको रुपमा स्तरोन्नती हुनको लागि मर्जर प्रक्रियामा रहेकाछन ।
फाईनान्सको सञ्चालक समितिले शेयरधनीहरुलाई २०.५३ प्रतिशत लाभांश बितरण गर्ने निर्णय गरेको छ । सञ्चालक समितिको उक्त निर्णय नेपाल राष्ट्र बैंकको स्विकृती र आंउदो साधारणसभाले पारित गरेपछि बितरण हुने कम्पनीका महाप्रवन्धक बुद्धि मल्लले बताए ।
प्रतिक्रिया 4