हमजाएगालाई हेर्न सबैले पाउने

मंसिर ५ गतेबाट प्रदर्शनमा आउन लागेको चलचित्र ‘हमजाएगा’लाई चलचित्र सेन्सर बोर्डले यूनिभर्सल सर्टिफिकेट दिएको छ । अब, यो चलचित्रलाई सबै उमेरका दर्शकले हेर्न सक्नेछन् ।

सुरेन्द्र पुनको निर्देशनमा तयार भएको यो चलचित्रलाई भोजबहादुर गुरुङले प्रस्तुत गरेका हुन् । चलचित्रमा बाबु बोगटी, विल्सन विक्रम राई लगायतका कलाकारले अभिनय गरेका छन् ।

दार्जलिङका चर्चित बस चालक हमजाएगाको नाम सापटी लिएर तयार पारिएको यो चलचित्रले कमेडी कथा भनेको छ । चलचित्रमा विल्सनको कमेडी पाटोले दर्शक हसाँउने अपेक्षा गरिएको छ ।