सार्कका लागि ल्याइएका ३२ कार भारत फर्काइए

सलमान खान

१४ मंसिर, भैरहवा । अठारौं सार्क शिखर सम्मेलनमा विदेशी पाहुनाहरुको प्रयोगका लागि भारतबाट ल्याइएका ३२ वटा कारहरु आइतबार बिहान पुनः भारत फर्काइएको छ ।

रुपन्देहीको सीमा नाका बेलहियाबाट नेपाल भित्रिएका कारहरु पुनः सोही नाकाबाट आइतबार बिहान ७ बजे भारत फर्काइएको इलाका प्रहरी कार्यालय बेलहियाका इञ्चार्ज प्रहरी निरीक्षक रविनबाबु रेग्मीले बताए ।

मर्सिडिज, बीएमडब्लु लगायतका कारहरुलाई मंसिर २ गते भारतीय चालकहरुले भारतबाट काठमाण्डौसम्म लगेका थिए ।

सार्क सम्मेलनको समापनपछि नेपाल प्रहरीले ती कारहरुलाई काठमाण्डौबाट स्कटिङ गरेर रुपन्देहीको सीमानासम्म पुर्‍याएका छन् ।