बैंकर्सको रात्री भोजमा जे देखियो (फोटो फिचर)

काठमाडौं । वाणिज्य बैंकहरुको छाता संगठन नेपाल बैंकर्स संघको २८ औं साधारणसभाले आगामी दुई वर्षे कार्यकालका लागि एनएमबी बैंकका प्रमुख कार्यकारी अधिकृत उपेन्द्र पौडेलको अध्यक्षतामा नयाँ कार्यसमिति चयन गरेको छ ।

अध्यक्षका लागि पौडेलको मात्रै उम्मेद्धारी दर्ता भएपछि संघको शुक्रबार बसेको साधारणसभाले उनलाई निर्विरोध निर्वाचित गरेको हो । यसअघि उनी उपाध्यक्ष थिए । संघले नवनिर्वाचित कार्यसमितिको स्वागतमा शुक्रबार दरबारमार्गस्थित अन्नपूर्ण होटलमा रात्रीभोज गरेको छ ।

मेगा बैंकका सिईओ अनिल शाह र ग्लोवल आइएमइका सिइओ रत्नराज ब्रज्राचार्य उपाध्यक्षमा निर्वाचित भए ।

संघको कार्यसमिति सदस्यहरुमा नबिल बैंकका सीईओ अनिल ज्ञवाली, बैंक अफ काठमाण्डूका सीईओ अजय श्रेष्ठ, एनबी बैंकका ज्ञानेन्द्र ढुंगाना, सिभिल बैंकका किशोर महर्जन, राष्ट्रिय वाणिज्य बैंकका कृष्णप्रसाद शर्मा, स्ट्यान्डर्ड चार्टर्ड बैंकका पीजे सिलभानुस र सानिमा बैंकका भुवन दाहाल रहेका छन् ।

यसअघि सिटिजन बैंकका सिइओ राजनसिंह भण्डारी संघको अध्यक्ष थिए ।