२७ मंसिर काठमाडौं । यो नेप्से परिसूचक १९.७५ अंकले बढेर ८ सय ७०.६३ अंकमा पुगेको छ । साताभरमा १ सय ६३ कम्पनीका २२ लाख १७ हजार कित्ता सेयर ८० करोड २१ लाख रुपैयाँमा किनबेच भएको नेपाल स्टक एक्सचेन्जले जनाएको छ । कारोबार रकम गत साताको भन्दा १.३३ प्रतिशत बढी हो ।
गत साता १ सय ५७ कम्पनीका २० लाख ३२ हजार कित्ता सेयर ७९ करोड १७ लाख रुपैयाँमा किनबेच भएका थिए ।
‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पहिलो दिनको तुलनामा ४.३९ अंकले बढेर १८६.७३ अंकमा आइपुगेको छ ।
पहिलो दिनको तुलनामा अन्तिम दिन वाणिज्य बैंक समूहको सूचक २८.६७ अंकले बढेको छ । वाणिज्य बैंकको सूचकमा आएको वृद्धिसँगै समग्र नेप्सेको सूचक उछालेको हो । समूहगत सूचकतर्फ जलविद्यूत ५३ र होटल ३१ अंकले बढेका छन । बीमा समूह १३ अंकले घटेको छ । त्यसबाहेक अन्य समूहहरु झिनो अंकले मात्रै बढेका छन ।
यो साता कारोबार रकमका आधारमा सोल्टी होटल अग्रस्थानमा रहेको छ । साताभरमा सोल्टीको ६ करोड २ लाख ८० हजार रुपैयाँको कारोबार भयो । कारोबार भएको सेयर संख्याका आधामा सिद्धार्थ लगानी वृद्धि योजना अग्र स्थानमा छ । उसको २ लाख ६२ हजार कित्ता सेयर कारोबार भयो । त्यसैगरी कारोबार संख्या -४७३ वटा) को आधारमा मेगा बैंक अग्रस्थानमा रहेको छ ।
कारोबार रकमका आधारमा साताका उत्कृष्ट ५ कम्पनीहरु
क्र.सं. | कम्पनीको नाम | कारोबार रकम रु. (दशलाखमा) |
१ | सोल्टी होटल | 60.28 |
२ | नेपाल लाइफ इन्स्योरेन्स | 57.4 |
३ | चिलिमे हाइड्रोपावर कम्पनी | 45.52 |
४ | नेसनल लाइफ इन्स्योरेन्स | 31.12 |
५ | एनआइसी एसिया बैंक | 28.54 |
प्रतिक्रिया 4