९ पुस, काठमाडौं । दक्षिण सुडानमा शान्ति सेनामा खटिएका नेपाली सेनाका प्युठ पुकार थापाको निधन भएको छ ।
फोर्स प्रोटेक्सन ड्युटीमा खटिएका उनी पुस ३ गते बेहोस भएका थिए । उनको उपचारका क्रममा निधन भएको सैनिक जनसम्पर्क निर्देशनालयले जनाएको छ ।
उनको शव नेपाल ल्याइएको छ । गौचरस्थित कालीप्रसाद गणको प्राङ्गणमा सैनिक सम्मानका साथ अन्तिम श्रदाञ्जली अर्पण गरिएको छ ।
भक्तपुरको कटुञ्जे गाविस-४, कोलडांडा घर भएका थापा श्री नम्बर १ गौचर व्यारेकमा प्यूठमा कार्यरत थिए ।
सैनिक जनसम्पर्क निर्देशनालयका अनुसार शान्ति स्थापनार्थ तैनाथ ६० जना शान्ति सैनिकहरुले शहादत प्राप्त गरिसकेका छन् ।