१४ फागुन, पाल्पा । शिक्षकलाई तलब खुवाउन धौधौ परेपछि एक विद्यालयले आर्थिक स्रोत जुटाउन इँटा बनाउन थालेको छ । रामपुर नगरपालिका २ पन्थेस्थित चन्द्रोदय माध्यमिक विद्यालयले भौतिक अवस्था सधार गर्न र विद्यालयको आर्थिक अभाव टार्न विद्यालयपरिसरमै इँटा बनाउन थालेको हो ।
विद्यालयको अवस्था नाजुक भएपछि विद्यालय सुधार गर्न इँटा बनाउने कार्य सुरु गरेको विद्यालयका शिक्षक दुर्गानारायण श्रेष्ठले बताएको गोरखापत्रमा खबर छ । अहिले विद्यालयका विद्यार्थी, शिक्षक, विद्यालय व्यवस्थापन समिति मिलेर इँटा बनाउन थालेको उनले बताए ।
विद्यालय परिसरमा रहेको माटोको ढिस्को उपयोग गरेर इँटा पारिएको विद्यालय व्यवस्थापन समितिका अध्यक्ष इन्दिरा पोखरेलले बताइन् । विद्यालयको आम्दानी बढाउन एक लाख इँटा पार्ने लक्ष्यअनुरुप तीनजना कामदार लगाएर पुसको अन्तिम साताबाट काम सुरु गरिएको हो ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4